Ռումինիայի նախագահն ընդդիմությանը մեղադրել է երկրում կորոնավիրուսի բռնկման կազմակերպման մեջ
Ռումինիայի նախագահ Կլաուս Իոհանիսը նոր կորոնավիրուսով վարակման դեպքերի թվի աճի համար մեղադրել է Սոցիալ-դեմոկրատական ընդդիմադիր կուսակցությանը: Ներքին գործերի նախարար Մարսել Վելայի եւ նրա երկու տեղակալների հետ հանդիպումից հետո պետության ղեկավարի հայտարարությունն ուղիղ հեռարձակում էր հիմնական հեռուստաալիքներով, փոխանցում է ՏԱՍՍ-ը:
«ՍԴԿ-ն, որը դժգոհ է Ազգային ազատական կուսակցության (ԱԱԿ) կառավարության հաջողություններից, ցանկանում էր սանիտարական ճգնաժամ ստեղծել, որպեսզի հիմք ունենա կառավարությանը քննադատելու համար»,- հայտարարել է նա:
Յոհանիսի խոսքով՝ սոցիալ-դեմոկրատները, որոնք խորհրդարանում մեծամասնություն ունեն, միտումնավոր երկու շաբաթով հետաձգել են կարանտինային օրենքի քննարկումը, որի ընթացքում վարակված հիվանդները դուրս են գրվել հիվանդանոցներից եւ գնացել են տուն: «ՍԴԿ-ի համար նշանակություն չունի, որ հազարավոր ռումինացիներ են վարակվել, հարյուրավոր ռումինացիներ մահացել են,- շեշտեց նա:-ՍԴԿ-ի համար կարեւոր է, որպեսզի լինի մի բան, ինչի համար կարելի է քննադատել»։ «Մենք պայմանավորվել ենք, որ եկել է ժամանակը լինել չափազանց պինդ, չափազանց խիստ»,- ասել է նախագահը՝ նախազգուշացնելով, որ ռումինացիները, որոնք չեն հետեւելու իշխանությունների կողմից ընդունված նորմերին, «կզգան օրենքի ծանրությունը»:
Հինգշաբթի Ռումինիայում հայտարարվել էր 24 ժամվա ընթացքում կորոնավիրուսով վարակման դեպքերի թվի հերթական հակառեկորդի մասին՝ 1․356 մարդ: Անցած օրվա ընթացքում կորոնավիրուսից մահացել է 35 մարդ: Բռնկումից ի վեր վարակվել է ընդհանուր 49.591 մարդ, որից 26.609-ը դուրս է գրվել հիվանդանոցներից, իսկ 2.304-ը մահացել է: Վերջին շրջանում երկրում դեպքերի մակարդակն անընդհատ աճում է:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...