Լուկաշենկոն Անվտանգության խորհրդի նիստ է գումարել՝ հայտարարելով Ռուսաստանի «կեղտոտ մտադրությունների մասին»

Չորեքշաբթի երեկոյան Բելառուսի նախագահ Ալեքսանդր Լուկաշենկոն հրատապ հանդիպում է անցկացրել Անվտանգության խորհրդի անդամների հետ՝ երկրում երեք տասնյակ օտարերկրյա վարձկանների կալանավորելու կապակցությամբ, որոնց մեծ մասը Ռուսաստանի քաղաքացիներ են:

Լուկաշենկան կատարվածն անվանել է «արտակարգ»: Նա նշել է, որ մոնիտորինգի է ենթարկում ռուսների արձագանքը միջադեպին: Նախագահի խոսքով՝ «նրանք, արդարացումներ անելով, ասում են, որ բելառուսական իշխանություններն իրենք են վարձկաններին բերել»: Լուկաշենկան դա բացատրել է նրանով, որ Ռուսաստանը փորձում է «ինչ-որ կերպ արդարացնել իր կեղտոտ մտադրությունները»:

Միևնույն ժամանակ, նա շեշտել է, որ Բելառուսի իշխանությունները նպատակ չունեն «վարկաբեկել իրենց մոտ երկրին»: Այս կապակցությամբ Լուկաշենկոն հանձնարարել է ՊԱԿ-ի նախագահ Վալերի Վակուլչիկին ավելի մանրամասն ուսումնասիրել իրավիճակը: «Եթե ձերբակալվածները Ռուսաստանի քաղաքացիներ են, ապա մենք պետք է անհապաղ կապվենք Ռուսաստանի Դաշնության համապատասխան կառույցների հետ, որպեսզի նրանք բացատրեն, թե ինչ է կատարվում»,-ասել է Լուկաշենկան՝ հավելելով, որ «եթե ռուսները մեղավոր են, ապա մենք պետք է արժանապատվորեն դուրս գանք այս իրավիճակից, և եթե մեղավոր չեն՝ ապա ատ ավելի լավ»:

Հաղորդվում է, որ Ռուսաստանի դեսպանատունը Բելառուսի արտաքին գործերի նախարարությունից արդեն ստացել է պաշտոնական ծանուցում հանրապետությունում Ռուսաստանի 32 քաղաքացիների կալանքի վերաբերյալ:

Այս թեմայով Լուկաշենկոն խոսել է նախագահի պաշտոնից հեռանալու մասին Լուկաշենկոն դիմել է Փաշինյանին. Նիկոլ Վովաևիչ, եթե պետք լինի, դիմեք Լուկաշենկոն մեկնաբանել է ԵԱՏՄ գագաթնաժողովին Փաշինյանի բացակայությունը Լուկաշենկո. Բելառուսն ու Ռուսաստանը պատրաստ են առաջիկա համատեղ զորավարժություններին Լուկաշենկո. Եթե Բայդենը վերընտրվեր, աշխարհը կգնար դեպի Երրորդ համաշխարհային պատերազմ