Կորեայում ԱՄՆ դեսպանը սափրել է կորեացիների համար վիրավորական բեղերը
Հարավային Կորեայում ԱՄՆ դեսպան Հարի Հարիսը սափրել է կորեացիների համար վիրավորական բեղերը, հաղորդում է CNN-ը:
Դիվանագետի բեղերը կորեացիներին դուր չէին գալիս այն պատճառով, որ 1905-1945 թվականներին Կորեական թերակղզին կառավարած բոլոր ութ ճապոնացի գեներալ-նահանգապետները նույնպիսի բեղեր են ունեցել:
Հարիսի խոսքով՝ նա այդ որոշումը կայացրել է կորոնավիրուսի պատճառով, քանի որ շոգ եղանակին դիմակ կրելն այդպես անհարմար էր:
2019-ի վերջին Հարիսը ստիպված է եղել բացատրություն տալ՝ կապված իր արտաքինի հետ: Նա նշել է, որ ներկայացնում է ԱՄՆ շահերը, այլ ոչ թե ԱՄՆ-ի եւ Ճապոնիայի շահերը: Նա նաեւ ասել է, որ փոխել է իմիջը դիվանագիտական կարիերայի սկզբից: