Կիեւում փորձել են հրկիզել հայերին պատկանող սրճարանները
Կիեւում հայերին պատկանող սրճարանների հրկիզման երկու դեպք է տեղի ունեցել: Ըստ առկա տեղեկությունների՝ զոհեր չկան, հրդեհի հետեւանքով վնասվել են հաստատությունների որոշ հատվածներ:
AnalitikaUA.net-ի փոխանցմամբ՝ Ուկրաինայի հայերի միությունը դատապարտող հայտարարությամբ է հանդես եկել, որում նշված է. «Սրճարանների հրկիզումը, որի տերերը համայնքի ներկայացուցիչներ են, համայնքը քաղաքական գործընթացների մեջ ներքաշելու փորձ ենք համարում: Մենք խստորեն դատապարտում ենք բռնության ցանկացած դրսեւորում եւ հետեւել օրենքին եւ համայնքին չներքաշել քաղաքական գործընթացներում: Կազմակերպության ղեկավարությունը մշտական կապի մեջ է իրավապահ մարմինների հետ եւ ապավինում է առկա դեպքերի օպերատիվ քննությանը»: