Աֆղանստանում անչափահաս աղջիկը գնդակահարել է երկու թալիբների, որոնք սպանել են նրա ծնողներին
Աֆղանստանում անչափահաս աղջիկը գնդակահարել է «Թալիբան»-ի երկու գրոհայինների եւ վիրավորել է մի քանիսին այն բանից հետո, երբ նրանք սպանել են իր ծնողներին՝ կառավարությանն աջակցելու համար, հայտնում է AFP-ը:
Դեպքը տեղի է ունեցել անցած շաբաթ, երբ գրոհայինները ներխուժել են Գոռի շրջանի գյուղերից մեկում ապրող Կամար Գյուլի տուն:
Զինյալները փնտրել են նրա հորը, հայտնել է տեղի ոստիկանության պետ Խաբիբուրահման Մալեքզադան: Մալեքզադայի խոսքերով՝ նրա հայրը կառավարության կողմնակիցն էր, ուստի թալիբները եկել են նրա տուն, նրան եւ կնոջը հանել են դուրս եւ սպանել նրանց: «Կամար Գյուլը տանն է եղել, նա վերցրել է АК-47 ինքնաձիգը եւ նախ գնդակահարել է երկու թալիբներին, ովքեր սպանել են իր ծնողներին, իսկ հետո վիրավորել է եւս մի քանիսին»,- ասել է նա:
Պաշտոնյաների խոսքերով՝ աղջիկը 14-16 տարեկան է: Շատ աֆղանցիներ չգիտեն իրենց ճշգրիտ տարիքը:
«Թալիբան»-ի մի քանի այլ մարտիկներ ավելի ուշ հարձակվել են նրա տան վրա, բայց գյուղացիներն ու ոստիկանները հետ են մղել գրոհը: Աֆղանստանի անվտանգության ուժերը այժմ Գյուլին եւ նրա կրտսեր եղբորը տեղափոխել են ավելի անվտանգ վայր:
Անցած մի քանի օրվա ընթացքում Գյուլի լուսանկարը՝ գլխաշորով եւ ինքնաձիգը ծնկներին, վիրուսային է դարձել: «Խոնարհվում եմ նրա առջեւ։ Կեցցես», - գրել է Նաջիբա Ռահմին Facebook- ում: «Աֆղանստանի աղջկա ուժը», - գրել է Facebook-ի մեկ այլ օգտատեր:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...