Դոնալդ Թրամփը խոստացել է ԱՄՆ-ում չմտցնել դիմակ կրելու պարտադիր ռեժիմ
ԱՄՆ նախագահ Դոնալդ Թրամփը խոստացել է, որ չի ստորագրի կորոնավիրուսի տարածումը կանխելու նպատակով պարտադիր դիմակ կրելու մասին հրամանը, հայտնում է BBC News-ը:
Թրամփն այս հայտարարությամբ հանդես է եկել ինֆեկցիոն հիվանդությունների հարցերով ամերիկացի առաջատար փորձագետ Էնթոնի Ֆաուչիի կոչից հետո՝ «ինչպես կարելի է մարդկանց ավելի համոզիչ ստիպել դիմակ կրել»:
Ընդ որում՝ նա հավելել է, որ դիմակ կրելն իսկապես կարեւոր է, եւ «մենք բոլորս պետք է այն կրենք»:
Հեռուստաալիքը նշում է, որ ԱՄՆ-ում դիմակ կրելը ծայրահեղ քաղաքականացվել է: Նահանգապետների մեծ մասը կարգադրել է պարտադիր դիմակ կրել: Նրանց թվում է նաեւ Ալաբամայի հանրապետական նահանգապետ Քեյ Այվին:
Դոնալդ Թրամփը, որը նախկինում դիմակ չէր կրում, անցյալ շաբաթ առաջին անգամ հանրությանն է ներկայացրել փակ դեմքով:
Սակայն ուրբաթ Fox News-ի հետ հարցազրույցում նա հայտարարել էր, որ համաձայն չէ պարտադիր դիմակ կրելուն՝ պնդելով ժողովրդի «որոշակի ազատությունը»:
Ավելի վաղ ԱՄՆ Հիվանդությունների վերահսկման եւ կանխարգելման կենտրոնները հանդես էին եկել հայտարարությամբ, որում բոլորին կոչ էին արել դիմակ կրել:
«Մենք COVID-19-ի դեմ անզեն չենք: Դեմքը կտորով փակելը ամենահզոր զենքերից մեկն է, որն ունենք վիրուսի տարածումը դանդաղեցնելու եւ դադարեցնելու համար, հատկապես հանրային վայրերում ունիվերսալ օգտագործման դեպքում»,- հայտարարել է Հիվանդությունների վերահսկման եւ կանխարգելման կենտրոնների բժիշկ Ռոբերտ Ռեդֆիլդը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...