ԱՄՆ սենատորներ Բոբ Մենենդեսը եւ Քորի Բուքերը կոչ են արել դադարեցնել Վաշինգտոնի ռազմական աջակցությունը Բաքվին
ԱՄՆ Սենատի արտաքին հարաբերությունների հանձնաժողովի անդամներ, սենատորներ Բոբ Մենենդեսը եւ Քորի Բուքերը հանդես են եկել հայտարարությամբ, որտեղ դատապարտել են Ադրբեջանի հարձակումը Հայաստանի վրա:
Սենատորները խոր մտահոգություն են հայտնել Հայաստան-Ադրբեջան սահմանին ուժի կիրառման առնչությամբ՝ շեշտելով, որ Ադրբեջանը Թուրքիայի աջակցությամբ ԵԱՀԿ Մինսկի խմբի հովանու ներքո խաղաղ, բանակցային գործընթացի փոխարեն ընտրել է բռնության ճանապարհը: Այդ իսկ պատճառով սենատորները կոչ են արել դադարեցնել ռազմական գործողություններն ու անմիջապես վերսկսել խաղաղ բանակցությունները:
«Բաքվի վերջին գործողությունները միայն բազմապատկել են բռնությունը, Լեռնային Ղարաբաղի հակամարտության խաղաղ եւ երկարաժամկետ լուծման հասնելուն ուղղված ջանքերին խոչընդոտել եւ ստիպել մեզ կրկին լուրջ հարցեր առաջ քաշել Ադրբեջանի կառավարությանն այժմ մեր կողմից դրամադրվող ռազմական օգնության ծավալների վերաբերյալ»,- ընդգծել են սենատորները:
Նրանք շեշտել են, որ ԱՄՆ-ի համանախագահությամբ ընթացող բանակցությունները տապալող ռեժիմին 120 միլիոն դոլարի ռազմական օգնություն տրամադրելն աբսուրդ է:
«Կոչ ենք անում Թրամփի վարչակարգին անմիջապես դադարեցնել այդ աջակցությունն ու լիարժեք հարգել Ազատության աջակցության ակտի 907-րդ ուղղումը»,- նշված է սենատորների տարածած համատեղ հայտարարության մեջ:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Մելանշոնը հավանական առաջատար թեկնածուներից մեկն է
Ամերիկան պատմության մեջ հսկայական քայլ հետ կատարեց
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին