ԱՄՆ գլխավոր դատախազը քննադատում է ամերիկյան ընկերություններին՝ Չինաստանի հետ համագործակցության համար
ԱՄՆ գլխավոր դատախազ Ուիլյամ Բարը հինգշաբթի օրը քննադատել է հոլիվուդյան ընկերություններին, այդ թվում՝ Walt Disney-ին, ինչպես նաեւ տեխնոլոգիական հսկաներ Apple-ին, Alphabet-ին, Google-ին եւ Microsoft-ին՝ դատապարտելով Չինաստանի հանդեպ նրանց դիրքորոշումը, հայտնում է «Ամերիկայի Ձայն»-ը:
«Այնպիսի ընկերություններ, ինչպիսիք են Google- ը, Microsoft- ը, Yahoo-ն եւ Apple-ը, Չինաստանի Կոմունիստական կուսակցության հետ համագործակցելու չափազանց մեծ պատրաստակամություն են ցուցաբերում»,- ասել է Բարը: Նա հավելել է, որ Հոլիվուդը պարբերաբար ենթարկվում է ճնշումների եւ գրաքննության է ենթարկում իր ֆիլմերը՝ «Չինաստանի Կոմունիստական կուսակցությունը դրական ներկայացնելու համար»: «Կարծում եմ, որ Ուոլթ Դիսնեյը հիասթափված կլիներ՝ տեսնելով, թե ինչպես է իր հիմնած ընկերությունը գործակցում մեր ժամանակների արտասահմանյան բռնապետությունների հետ»,- ասել է Բարը, ելույթ ունենալով Միչիգանի Ջերալդ Ռ. Ֆորդի Նախագահական թանգարանում:
Բարը հանդիմանել է ամերիկյան ընկերություններին, որ նրանք ավելորդ զիջողականություն են դրսեւորում՝ չինական հսկայական շուկա մուտք ունենալու համար:
«Չինաստանի Կոմունիստական կուսակցությունը մտածում էր տասնամյակներ եւ դարեր, մինչդեռ մենք հակված ենք կենտրոնանալ հաջորդ եռամսյակային զեկույցի վրա»,- ասել է Բարը: «Ամերիկյան խոշոր տեխնոլոգիական ընկերությունները նույնպես թույլ են տվել իրենց դառնալ չինական ազդեցության «զինվորներ»»:
Բարը այն կարծիքին է, որ Apple-ի iPhone սմարթֆոնները «չէին վաճառվի (Չինաստանում), եթե դրանք լավ պաշտպանված լինեին չինական իշխանությունների ներթափանցումից»: Նա ենթադրել է, որ ԱՄՆ տեխնոլոգիական ընկերությունները «երկակի ստանդարտներ» են օգտագործում:
Բարը հիշեցրել է, որ Հոնկոնգում ազգային անվտանգության նոր օրենքի ներդրումից հետո Facebook-ը, Google-ը, Twitter-ը եւ LinkedIn-ը հայտարարել են օգտատերերի տվյալների վերաբերյալ կառավարության պահանջների դիտարկումները դադարեցնելու մասին:
«Միասին գործելով՝ նրանք կարող են արժանի օրինակ հանդիսանալ այլ ամերիկյան ընկերությունների համար՝ Չինաստանի Կոմունիստական կուսակցության կոռումպացված եւ բռնապետական իշխանություններին դիմակայելու գործում»,- ասել է գլխավոր դատախազը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...