Դիմակ կրելուց հրաժարվող ավտոբուսի ուղևորները ծեծել են վարորդին՝ դառնալով նրա մահվան պատճառը
Ֆրանսիայում դիմակ կրելուց հրաժարվող ավտոբուսի ուղևորները ծեծել են վարորդին՝ դառնալով նրա մահվան պատճառը, հաղորդում է The Guardian-ը՝ վկայակոչելով հանգուցյալի հարազատներին:
Ֆիլիպ Մոնգիյոն «ծայրահեղ դաժան հարձակման» է ենթարկվել, ինչը հանգեցրել է գլխուղեղի վնասվածքների․ քաղաքային դատախազության ներկայացուցչի հաղորդմամբ՝ տղամարդը մահացել է հուլիսի 10-ին։
Միջադեպը տեղի է ունեցել հուլիսի 5-ին՝ Ֆրանսիայի հարավ-արևմուտքում գտնվող Բայոն քաղաքում: Մոնգիյոն ավտոբուս նստել պատրաստվող տղամարդկանց խնդրել է պաշտպանիչ դիմակներ կրել, ինչպես նաև փորձել է ստուգել ևս մի ուղևորի տոմսը, որից հետո ուղևորները ծեծել են վարորդին, այնուհետև փախել դեպքի վայրից և թաքնվել հարձակվողներից մեկի բնակարանում։ Մոնգիյոն անգիտակից վիճակում տեղափոխվել է հիվանդանոց։
Ոստիկանությունը հաղորդել է, որ հանցագործներից երկուսը 22 և 23 տարեկան երիտասարներ են, մյուսների մասին դեռևս տեղեկություններ չեն հաղորդում։
Հուլիսի 8-ին Բայոնում տեղի է ունեցել հիշատակի երթ, որը կազմակերպել են զոհվածի հարազատները։ Ակցիային մասնակցել է մոտ 6 հազար մարդ։ Նույն երեկոյան մի շարք քաղաքներում, այդ թվում՝ Փարիզում և Ստրասբուրգում, վարորդները հարգել են իրենց գործընկերոջ հիշատակը՝ մեկ րոպեով կանգնեցնելով ավտոբուսները:
Ողբերգությունը հանգեցրել է տարածաշրջանում ավտոբուսային հաղորդակցության ժամանակավոր խափանումների, քանի որ որոշ վարորդներ հրաժարվել են աշխատանքի գնալ: Տրանսպորտային ընկերությունները նշում են, որ ավտոբուսներում ուժեղացվելու են անվտանգության միջոցառումները։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...