Բրազիլիայի նախագահը, ով ծաղրում էր կորոնավիրուսի ռիսկերը, եւս մեկ թեսթ է արել
Բրազիլիայի նախագահ Ժաիր Բոլսոնարոն, ով ծաղրում էր կորոնավիրուսի ռիսկերը, Covid-19-ի եւս մեկ թեսթ է արել այն բանից հետո, երբ նախագահական պալատը հայտարարել է, որ նրա մոտ ախտանիշներ են հայտնվել։
65-ամյա Բոլսոնարոն նախագահական նստավայրի մոտ հավաքված իր աջակիցներին ասել է, թե ինքը թեսթ է անցել, եւ «ամեն ինչ կարգին է»: Ելույթ ունենալով դիմակով՝ նա նաեւ ասել է, որ բուժզննում է անցել, եւ իր թոքերը «մաքուր են»:
Բրազիլական լրատվական աղբյուրները, ներառյալ CNN-ի ստորաբաժանումը, հայտնել են, որ Բոլսոնարոյի թեսթի արդյունքը դրական է, սակայն պաշտոնապես դա չի հաստատվել։
Երկուշաբթի օրը նախագահի աշխատակազմը հայտարարել էր, որ ներկայում Բոլսոնարոն առողջ է, սակայն NBC News-ը հայտնել է, որ նա այնքան էլ լավ չի զգում եւ ջերմություն ունի:
Տեղական ԶԼՄ-ները հայտնում են, որ Բոլսոնարոն չեղարկել է իր բոլոր պաշտոնական միջոցառումները, քանի դեռ չի ստացել Covid-19 թեսթի պատասխանը:
Բրազիլիայի նախագահը մի քանի անգամ թերագնահատել է վիրուսի վտանգը՝ այն անվանելով «թեթեւ գրիպ» եւ դատապարտելով այն նահանգապետներին, ովքեր սահմանափակումներ են մտցնում եւ աշխատատեղեր կորցնելու պատճառ են դառնում։
Համավարակի հենց սկզբից Բոլսոնարոն անտեսում էր Առողջապահության համաշխարհային կազմակերպության խորհրդատվությունները, ինչպիսիք են դիմակներ կրելը եւ սոցիալական տարածությունների պահպանումը:
Ջոնս Հոփկինսի համալսարանի տվյալներով՝ Բրազիլիայում ավելի քան 1,6 միլիոն մարդ վարակվել է կորոնավիրուսով, մահացել է 65 487 մարդ:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...