Պուտինը պատմել է, թե ինչն է «դանդաղ ազդեցության ռումբ» եղել ԽՍՀՄ Սահմանադրության մեջ

ՌԴ նախագահ Վլադիմիր Պուտինը կարծիք է հայտնել, որ սահմանադրական փոփոխությունները կամրապնդեն երկրի պետականությունը: Նրա կարծիքով՝ խորհրդային Սահմանադրության մեջ «դանդաղ ազդեցության ռումբ» է եղել հանրապետությունների՝ երկրից դուրս գալու իրավունքը և «կոմունիստական կուսակցության իշխանության մենաշնորհային իրավունքը»:

«Դա դանդաղ ազդեցության ռումբ է, որը տեղադրվել է դեռևս 1922 թվականին Խորհրդային Միության կազմավորման ժամանակ: Իհարկե, մենք պետք է խուսափենք նման բաներից»,- «Կոմերսանտի» փոխանցմամբ՝ ասել է Պուտինը՝ պատասխանելով հարցին, թե անցյալի որ սխալներից կցանկանար խուսափել: Այս մասին նախ խոսել է «Մոսկվա. Կրեմլ. Պուտին» հաղորդաշարի շրջանակներում:

Պուտինը կարծում է, որ Սահմանադրության մեջ պետք է կանոն լինի սահմանների խախտումների վերաբերյալ: «Ես ամբողջովին վստահ եմ, որ մենք ճիշտ ենք անում, որ փոփոխություններ ենք անում գործող Սահմանադրությունում: Դրանք կամրապնդեն մեր պետականությունը, պայմաններ կստեղծեն մեր երկրի առաջադեմ զարգացման համար տասնամյակներ առաջ»,- ասել է ՌԴ ղեկավարը:

Հիշեցնենք, որ սահմանադրական փոփոխությունների վերաբերյալ հանրաքվե է անցկացվել, որին մասնակցած քաղաքացիների 77.92 տոկոսը կողմ է քվեարկել: Փոփոխություներն ուժի մեջ են մտել հուլիսի 4-ից:

Սահմանադրական փոփոխությունները նախաձեռնել է Պուտինը: Նա առաջարկել է ամրապնդել Հիմնական օրենքի առաջնահերթությունը միջազգային պայմանագրերի առաջ, կրճատել Սահմանադրական դատարանի դատավորների թիվը, նոր լիազորություններ շնորհել Պետդումային և Դաշնության խորհրդին, ինչպես նաև այլ փոփոխություններ սահմանել: Արդյունքում բազմաթիվ փոփոխություններ են ընդունվել: Պետդումայի պատգամավոր Վալենտինա Տերեշկովայի առաջարկով ընդունվել է նախագահական ժամկետների «զրոյացումը»:

Այս թեմայով Պուտին. Ռուսաստանը կոշտ կպատասխանի իր տարածքի դեմ ոտնձգության փորձերին. մենք կփշրենք նրանց ատամները 1 տարում` շուրջ 10 միլիոն ռուբլի. Կրեմլը հրապարակել է Պուտինի եկամտի հայտարարագիրը Պուտինը չի կարողանում հանգստի մեկնել Պուտինը կորոնավիրուսի տարածման ֆոնին հեռուստաուղերձ է հղել Ռուսաստանի բնակիչներին Մեծ Բրիտանիայում սկսվել է Պուտինի մասին սերիալի ցուցադրությունը