Ֆրանսիայի նախկին վարչապետը դատապարտվել է 5 տարվա ազատազրկման
Փարիզի դատարանը Ֆրանսիայի կառավարության նախկին ղեկավար Ֆրանսուա Ֆիյոնին 5 տարվա ազատազրկման է դատապարտել նրա կնոջ՝ Պենելոպեի ֆիկտիվ աշխատատեղերի մասին գործով, որից երեք տարին պայմանական է: Ինչպես հայտնում է RFI-ն, ինքը՝ Պենելոպա Ֆիյոնը դատապարտվել է երեք տարվա պայմանական ազատազրկման, հայտնում է RFI-ն։
Այսպիսով, դատարանը լիովին բավարարել է Ֆրանսիայի ազգային դատախազության միջնորդությունը, որն այս ժամկետներն էր պահանջել ֆիյոնների ընտանիքի համար:
Ամուսինները նաեւ տուգանքի են դատապարտվել՝ յուրաքանչյուրը 375 հազար եվրոյի չափով, ինչպես դա պահանջում էր մեղադրող կողմը Դատարանը նաեւ զրկել է Ֆրանսուա Ֆիյոնին առաջիկա տասը տարիների ընթացքում ընտրված պաշտոն զբաղեցնելու իրավունքից, Պենելոպե Ֆիյոնին՝ առաջիկա երկու տարվա ընթացքում:
Դատարանն Ազգային ժողովում Ֆրանսուա Ֆիյոնի նախկին տեղակալ Մարկ Ժուլոյին դատապարտել է պայմանական երեք տարվա ազատազրկման եւ 20 հազար եվրո տուգանքի՝ նույնպես պայմանական։
Ֆիյոնների դատավարությունը սկսվել էր փետրվարի 26-ին Փարիզում: Ամուսինները մեղադրվում են 1998 թվականից մինչեւ 2013 թվականն ընկած ժամանակահատվածում պետական միջոցների յուրացման եւ պետական գույքի չարաշահման հետ կապված հանցագործությունների «մեղսակցության եւ կոծկման» համար: Այս բոլոր տարիներին Պենելոպա Ֆիյոնը պաշտոնապես գրանցված էր որպես Ազգային ժողովի պատգամավորի օգնական: Այս ընթացքում նա պետական գանձարանից 613 հազար եվրո է ստացել:
Ֆրանսուա Ֆիյոնը մեղադրվում է նաեւ պետական միջոցների յուրացման եւ եկամուտների հայտարարագրման «պարտավորությունների խախտման» մեջ:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...