ԽՍՀՄ փլուզումից առաջ թագադրված «օրենքով գող» Սումբատ Թբիլիսսկին գործ է ստացել

Օրենքով գող Սումբատ Աբասովը, որը քրեական շրջանակներում հայտնի է որպես Սումբատ Թբիլիսկի, մեղադրվում է ՌԴ ՔՕ 210.1 հոդվածով («հանցավոր հիերարխիայում բարձրագույն պաշտոն զբաղեցնելը») եւ ուղարկվել է Բելգորոդի քննչական մեկուսարան: Այս մասին հայտնում է «Փրայմ Քրայմ» գործակալությունը ։

Նրա տվյալներով՝ նախօրեին դատարանը կալանավորել է 53-ամյա Աբասովին՝ հիմնվելով Ռուսաստանի ՆԳՆ քրեական հետախուզության գլխավոր վարչության աշխատակիցների եւ Բելգորոդի մարզի նրանց գործընկերների նյութերի վրա: Օրենքով գողը ձերբակալվել է հունիսի 16-ին տարանցիկ գոտում՝ ռուս-ուկրաինական սահմանն ապօրինի հատելու փորձի ժամանակ՝ շրջանցելով սահմանային անցակետը:

Աբասովը ծնունդով Թբիլիսիից եւ ազգությամբ եզդի է։ Օրենքով գողի տիտղոսը նա ստացել է ԽՍՀՄ-ի փլուզումից մեկ տարի առաջ եւ իր կյանքի մեծ մասն անցկացրել է ազատազրկման վայրերում: Աբասովն արդեն հաստատել է քննիչներին իր մոտ «օրենքով գողի» տիտղոսի առկայությունը։