Սահակաշվիլի. Ուկրաինայում «պետություն չկա»

Ուկրաինայի Բարեփոխումների գործադիր կոմիտեի ղեկավար Միխայիլ Սահակաշվիլին կարծում է, որ Ուկրաինայում «պետություն չկա»։

Այսպիսի կարծիք է նա հունիսի 26-ին հայտնել «Ուկրաինա 24» հեռուստաալիքի եթերում, տեղեկացնում է Lb.ua-ն։

«Ուկրաինայում պետություն չկա: Ուկրաինայում կան պաշտոնյաներ, որոնք (գործում են) հանուն գոյություն չունեցող պետության: Քանի որ պետությունն այն է, որը բոլորի համար է, որը արդարություն է ապահովում բոլորի համար, որը պաշտպանում է բոլորին: Որտե՞ղ է դա առկա Ուկրաինայում: Ուկրաինայում շատ պաշտոնյաներ կան, այդ պաշտոնյաների յուրաքանչյուր խումբ ունի իր պետը»,- ասել է նա:

Նրա խոսքերով՝ Ուկրաինայում կյանքի որակը որոշվում է որոշակի խմբին պատկանելությամբ։

«Մարդը ծնվում է ականջի վրա չիպով՝ ես այս խմբի ներկայացուցիչ եմ, կամ՝ այն խմբի։ Քայլում է մարդը՝ ոտքեր, ձեռքեր, երկու աչք ունի, նորմալ խոսոում է, իսկ ականջի վրա չիպ կա, իբր, ես ներկայացնում եմ այս որոշակի խումբը։ Կարծես թե մարդիկ այդպես են ծնվում։ Իսկ որտե՞ղ է պետությունը։ Պետություն պարզապես չկա»,- ասել է քաղաքական գործիչը։

Այս թեմայով Սահակաշվիլին պատմել է, թե ինչպես է Թրամփը հարցրել իր կարծիքը նախագահի պաշտոնում առաջադրվելու մասին Սաակաշվիլին Հայաստանի և Ադրբեջանի ղեկավարներին կոչ է անում դիտարկել Ուկրաինայի և Մոլդովայի օրինակը Սաակաշվիլին հայտարարել է, որ ցանկանում է մահվանից հետո թաղվել Ուկրաինայում Սաակաշվիլին հրաժարվել է արյուն հանձնել քննության համար. Վրաստան Սաակաշվիլին այլեւս չի զբաղվի քաղաքականությամբ