Մոսկվայում կովկասցի քրեական հեղինակությունների հանդիպման ժամանակ շուրջ 30 մարդ է ձերբակալվել
ՌԴ իրավապահ մարմինները Մոսկվայի հյուսիս-արևելքում գտնվող Ալտուֆևսկոյե մայրուղու վրա քրեական հեղինակությունների ձերբակալման գործողություն են իրականացրել, որի շրջանակում շուրջ 30 մարդ է ձերբակալվել: Այս մասին տեղեկացնում է ՏԱՍՍ գործակալությունը` հղում տալով իրավապահ մարմիններում աղբյուրին:
«Իրավապահ մարմինները տեղեկություն էին ստացել, որ կովկասյան հանրապետություններից քրեական հեղինակությունները հանդիպելու են մայրուղու վրա գտնվող սրճարանում: Դրանից հետո ոստիկանությունն ու Անվտանգության դաշնային ծառայությունը գործողություն են կազմակերպել և սրճարանում ձերբակալել շուրջ 30 մարդու»,-ասել է գործակալության զրուցակիցը` նշելով, որ ձերբակալվածների մի մասը զինված է եղել:
Աղբյուրի խոսքով` գործողության իրականացման ժամանակ մի քանի կրակոց է հնչել, ինչի հետևանքով մեկ մարդ տուժել է:
Աղբյուրը տեղեկացրել է նաև, որ ստուգելու են բոլոր ձերբակալվածների մասնակցությունը Մոսկվայի մարզում կատարված հանցագործություններին:
«Բոլոր ձերբակալվածները ստուգվելու են հետախուզվող անձանց տվյալների բազաներով, ստուգվելու է նրանց մասնակցությունը Մոսկվայի մարզում կատարված հանցագործություններին»,-ասել է գործակալության զրուցակիցը:
Աղբյուրի խոսքով` կստուգվեն նաև ձերբակալվածների մոտ եղած զենքերը, կստուգվի, թե արդյոք նրանք իրավունք ունեցել են զենք կրելու, ինչ փամփուշտներով են դրանք լիցքավորվել և արդյոք օգտագործվել են որևէ հանցագործություն կատարելիս:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...