Կովկասում անօդաչուների պատերազմը շուտով կարող է դառնալ անօդաչուների պատերազմ ձեր հետնաբակում
Կովկասում մոռացված պատերազմը նոր ազդակ է ստանում, քանի որ հակառակորդները զինվում են լրտեսության եւ հարվածների համար էլ ավելի կատարելագործված անօդաչուներով, Forbes-ում հրապարակված իր հոդվածում գրում է անգլիացի տեխնոլոգիական լրագրող Դեւիդ Հեմբլինգը:
Հեղինակը նշում է, որ Խորհրդային Միության փլուզումից հետո անկախ Հայաստանի եւ Ադրբեջանի միջեւ Լեռնային Ղարաբաղի շուրջ հակամարտություն բորբոքվեց.
«1994 թվականին Ռուսաստանի մասնակցությամբ հրադադարի մասին համաձայնագիր կնքվեց, որից հետո Հայաստանը վերահսկողություն ստացավ տարածքների նկատմամբ: Լեռնային Ղարաբաղն իրեն անկախ պետություն հռչակեց Արցախ անվանումով, սակայն չկարողացավ հասնել միջազգային ճանաչման:
2016 թվականին բաց պատերազմ սկսվեց: 2016-ի էսկալացիան հիշվեց նրանով, որ ադրբեջանական կողմն օգտագործեց իսրայելական Harop կամիկաձե անօդաչուներ»:
Հեղինակը նշում է, որ Harop-ը բազմաթիվ թիրախներ խոցեց, ներառյալ՝ հայերի հրետանային համակարգը, հակաօդային պաշտպանության համակարգը, ինչպես նաեւ կամավորների տեղափոխող ավտոբուսը:
«Harop-ն Ադրբեջանին վաճառել էր իսրայելական IAI ընկերությունը: Ապա իսրայելական Aeronautics ընկերությունը համաձայնագիր էր կնքել Ադրբեջանի հետ Orbiter 1K անօդաչուներ մատակարարելու մասին»,-նշում է հեղինակը:
Նրա խոսքով՝ առավել երկարաժամկետ հեռանկարում ադրբեջանցիները ծրագրում են թողարկել Orbiter-ի լիցենզավորված կրկնօրինակը՝ հայտնի որպես Zarba: 2019-ին ադրբեջանցիները կրկին Իսրայելից գնեցին SkyStriker անօդաչուներ:
Հոդվածի հեղինակի խոսքով՝ հայկական կողմը անօդաչուներ է արտադրում 2011 թվականից, երբ ցուցադրվեց Krunk հետախուզական անօդաչուն:
2018-ին Հայաստանը հայտարարեց Արցախից ռազմական անօդաչուներ գնելու մասին:
Հեղինակը նաեւ նշում է, որ անցած ամիս Արցախի ՊՆ-ն հայտարարեց նոր անօդաչուի հաջող փորձարկման մասին՝ տեսանյութ հրապարակելով, որում կամիկաձե անօդաչուները խոցում են թիրախը: Տեսանյութում ասվում է, որ զենքը «չի զիջում առաջատար երկրների կողմից մշակվող նմանատիպ սարքերին տեխնիկական բնութագրերի տեսանկյունից»:
2019-ին Shant News-ը ցուցադրեց մի շարք ռազմական անօդչուներ:
Հեղինակը նշում է, որ դրոններն իդեալական են հակամարտության այդ տեսակի համար: Դրանք էժան են, բարձր ճշգրտությամբ եւ կարղ են օգտագործվել առանց օդաչուի համար ռիսկի:
Վաշինգտոնում գտնվող Անվտանգության ամերիկյան կենտրոնի աշխատակից Սեմուել Բենդետի խոսքով՝ Արցախի նոր դրոնները կարող են մրցակից դառնալ մնացած աշխարհի առաջարկած դրոններին:
«Կովկասում անօդաչուների պատերազմը շուտով կարող է դառնալ անօդաչուների պատերազմ ձեր հետնաբակում»,-եզրափակում է հոդվածի հեղինակը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...