Ռեալը հավասարվեց Բարսելոնային եւ առաջ անցավ

Ավարտվեց ֆուտբոլի Իսպանիայի առաջնության 30-րդ տուրը, որից հետո առաջատարները՝ Ռեալը եւ Բարսելոնան ունեն 65-ական միավոր, բայց միմյանց միջեւ կայացած հանդիպումների շնորհիվ առաջին տեղում մադրիդյան թիմն է:

Այս տուրում Բարսելոնան մրցակցի դաշտում 0:0 ավարտեց հանդիպումը Սեվիլիայի հետ, իսկ Ռեալը Դան Սեբաստյանում 2:1 հաշվով հաղթեց Ռեալ Սիսիեդադին: Գոլերը Ռեալի կազմում խփեցին Ռամոսը եւ Բենզեման:

Մադրիդի Ատլետիկոն իր հերթին 1:0 հաշվով հաղթեց Վալյադոլիդին եւ 52 միավորով հայտնվեց երրորդ տեղում: Չորրորդ տեղում գտնվող Սեւիլիան նույնպես ունի 52 միավոր:

Էյբարը, Մալյորկան, Լեգանեսը եւ Էսպանյոլը ծանր պայքար են մղում տեղը ուժեղագույնների խմբում պահպանելու համար: Այս տուրում Մալյորկայի եւ Լեգանեսի միջեւ կայացած գերկարեւոր խաղն ավարտվեց 1:1 հաշվով: Էսպանյոլը սեփական դաշտում 3:1 հաշվով ծանր պարտություն կրեց Լեւանտեից, իսկ Էյբարը մեկ կարեւոր միավոր վաստակեց Խետաֆեի դաշտում:

Top-News.am