Գիտնականները հայտնաբերել են դինոզավրի ամենամեծ ձուն

Չիլիից գիտնականները հայտնաբերել են նախապատմական դարաշրջանի ծովային սողուններ, որոնք ապրել են Երկրի վրա 66 մլն տարի առաջ: Չիլիի համալսարանում գտնում են, որ դա ամենախոշոր գտածոն է այդօրինակ բոլոր հայտնի գտածոների շարքում, հաղորդում է ՏԱՍՍ-ը:

Ձվի զանգվածը կազմում է 6.5 կգ, երկարությունը շուրջ 30 սմ է: Քարացուկը հայտնաբերվել է Անտարկտիդայի Սեյմուր կղզում: Գիտնականները պարզել են, որ ձվի կեղեւը փափուկ էր: Նախկինում հայտնաբերված ձվերի քաշը չէր գերազանցում 700 գրամը:

«Այդ գտածոյի շնորհիվ մենք կարող ենք հասկանալ շատ ավելին այն մասին, թե ինչպես են բազմացել խոշոր ծովային սողունները դինոզավրերի ժամանակաշրջանում»,-հայտարարել է լրագրողներին Չիլիի Բնական պատմության ազգային թանգարանից հնագետ Դավիդ Ռուբիլարը, որը մասնակցել է պեղումների ժամանակ:

Ենթադրվում է, որ ձուն պատկանել է մոզազավրին: Այդ ծովային սողունները ապրել են 66-82 մլն տարի առաջ: Այդ ձուն ածած էգն ուներ 7-17 մ երկարություն:

Գիտնականները հայտնաբերել էին քարացուկը 2011 թվականին: Ութ տարի տեւած ուսումնասիրություններից հետո գիտականներն այժմ կարող են վստահորեն ասել, որ դա հնագույն սողունի ձու է: