Ինչպես են կատուները կռվեցրել Հռոմին եւ Բյուզանդիային
Թուրք հնագետներն ապացույցներ են գտել առ այն, որ Բյուզանդիան ավելի քան 1000 տարի առաջ երես է թեքել Հռոմից «պատերազմի» պատճառով, որը Հռոմի պապը հայտարարել էր սովորական կատուներին, փոխանցում է RG.-ն:
Ստամբուլում երկաթուղային ճանապարհի կառուցման ժամանակ խորը գետնի տակ թաղված կատուների մոտ 1000 տարեկան մի ամբողջ հավաքածու է հայտնաբերվել: Հատկանշական է, որ դրանք հենց գերեզմաններ էին, ինչը վկայում է դրանց նկատմամբ զգույշ վերաբերմունքի մասին:
Սա զարմացրել է գիտնականներին, քանի որ ոսկորների տարիքը համընկնում է առավել հակասական հրամանագրերից մեկի ժամանակահատվածի հետ: 13-րդ դարում Հռոմի Պապ Գրիգոր IX Vox in Rama անվանումով հրամանագիր էր արձակել: Այն բոլոր քրիստոնյաներին պարտավորեցնում էր ոչնչացնել կատուներին: Հրամանը հիմնված էր այն անգրագետ մտքի վրա, որ կատուները դժոխքի երկրային ներկայացուցիչներն են եւ դաշինքի մեջ են սատանայի հետ:
Իր հրամանագրում Հռոմի պապը գրել էր, որ կատուների աչքերը փայլում են մթության մեջ, քանի որ «սատանան գիշերն իր աչքերով նայում է աշխարհին»: Եվրոպայում կատուների համար դրանք իսկապես ծանր ժամանակներ էին: Նրանց այրում էին հազարավորներով: Գրավոր աղբյուրներից հայտնի է նաեւ, որ կախարդության համար մեղադրվող կանայք հաճախ այրվում էին կատուներով լի տոպրակների մեջ:
Հնագետների կողմից հայտնաբերված խորհրդավոր գերեզմանների վրա լույս սփռելու համար Ցերափաշեում Ստամբուլի համալսարանի հետազոտողները լաբորատորիայում մանրամասն ուսումնասիրել են կատուների աճյունները: Արդյունքում նրանք եզրակացության են հանգել, որ բյուզանդացիներն իրականում դեմ են գնացել պապական հրամանին եւ որոշել են պաշտպանել կատուներին:
Վերջիններս Բյուզանդիայում, հավանաբար, շատ էին: Այդ ընթացքում Ստամբուլում եւ հարեւան քաղաքներում շատ էին ձկների առեւտրով զբաղվողները: Հավանաբար դա գրավում էր կատուներին: Բացի այդ, բյուզանդական դարաշրջանում շատ առնետներ կային: Դրանց դեմ պայքարի համար առեւտրականները մտածված կատուներ էին պահում:
Ի դեպ, համարվում է, որ Հռոմի պապի հրամանագիրը համաճարակների պատճառ է դարձել: Կատուների զանգվածային ոչնչացման պատճառով Եվրոպայում կատուներ գրեթե չէին մնացել: Արդյունքում բազմացել էին առնետները, որոնք շատ վտանգավոր վարակիչ հիվանդությունների կրող են: 1300-1500 թվականների ընթացքում Եվրոպայում տեղի է ժանտախտից բազմաթիվ դեպքեր էին գրանցվել: Գիտնականները կարծում են, որ հիվանդությունը տարածվել է առնետների կողմից: Կատուները յուրատեսակ ապահովագրություն էին ժանտախտից: Նոր ուսումնասիրության տվյալներով՝ Բյուզանդիայում դա շատ լավ հասկանում էին:
«Այժմ մենք գիտենք, որ բյուզանդական առեւտրականները, ովքեր աշխատում էին Սիրիայի հետ, կատուներ էին պահում որպես ընտանի կենդանիներ՝ առնետներից եւ մկներից պաշտպանելու համար,- նշում է ուսումնասիրության համահեղինակ, պրոֆեսոր Ալթան Արմութաքը:- Արդյունքում մենք տեսնում ենք մի կայսրություն, որը շրջվել էր Եվրոպայից: Պեղումների ընթացքում հայտնաբերված կատվի կմախքները հստակ ցույց են տալիս դա: Ի տարբերություն Եվրոպայի՝ Բյուզանդիայում կատուները պահվում էին ոչ միայն տներում, այլեւ խանութներում: Սա է պատճառներից մեկը, որ Բյուզանդիայում տարիներ եւ ամիսներ տեւող ոչ մի համաճարակ չի եղել»:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...