Չնայած ԵԴ-ի որոշմանը՝ ՀԿ-ները կշարունակեն տեղեկատվություն տրամադրել արտասահմանյան դոնորների մասին. Օրբան
Հունգարիայի քաղաքականության մեջ ներգրավված հասարակական կազմակերպություններին դեռ անհրաժեշտ կլինի տեղեկատվություն տրամադրել իրենց արտոնյալ դոնորների մասին: Այս մասին հայտարարել է Վարչապետ Վիկտոր Օրբանն այն բանից հետո, երբ Եվրամիության բարձրագույն դատարանը հայտարարեց, որ Հունգարիայի դիրքորոշումն արտաքին ֆինանսավորման վերաբերյալ խախտում է ԵՄ օրենսդրությունը, փոխանցում է Reuters-ը:
Հունգարական օրենքը Օրբանի կառավարության կողմից Բուդապեշտում ծնված ամերիկացի միլիարդատեր Ջորջ Սորոսի հետ ունեցած տարաձայնությունների կապակցությամբ անարդար արտաքին ազդեցության դեմ ձեռնարկված միջոցների մի մաս էր:
Օրբանը Սորոսի կողմից ֆինանսավորվող հասարակական կազմակերպություններին (ՀԿ-ներ) մեղադրել էր քաղաքական միջամտության մեջ: Սորոսը հերքել էր այդ մեղադրանքները՝ հայտարարելով, որ դա սուտ է՝ հունգարացիներին շեղելու նպատակով կեղծ արտաքին թշնամի ստեղծելու համար:
Ուրբաթ, արձագանքելով ԵՄ դատարանի որոշմանը, Օրբանը հայտարարել է, որ Հունգարիան կհարգի քաղաքացիական կազմակերպությունների ֆինանսավորման մասին դատարանի որոշումը, սակայն թափանցիկության կանոնները կկիրառվեն:
«Բոլոր հունգարացիները կիմանան քաղաքական նպատակներով արտասահմանից այստեղ ուղարկվով յուրաքանչյուր ֆորինտի արժեքի մասին,- ասել էր նա պետական ռադիոյին:- Դատարանի այս որոշմանը հետեւելը դժվար չէ»:
Ըստ նրա՝ դատարանի որոշումը կապված էր «լիբերալ իմպերիալիզմի» շրջանակների հետ Արեւմտյան Եվրոպայում, որոնք ցանկանում են ընտանեկան խնդիրների, միգրացիայի հարցերում իրենց մտածելակերպը պարտադրել նրանց, ովքեր «այլ կերպ են մտածում», ինչպիսին Հունգարիան է: «Միջազգային դատարանները հաճախ այս ցանցի մաս են կազմում»,- ասել է նա:
Հունգարիայում ծնված Սորոսը հրեա է, ով իր հարստության մեծ մասը ծախսել է ժողովրդավարական եւ իրավապաշտպան խմբերի ֆինանսավորման վրա, բազմիցս Օրբանի կառավարության կողմից հարձակումների թիրախ է դարձել:
2017-ին Հունգարիայի կառավարությունը նախընտրական ընդդեմ միգրանտների քարոզարշավ անցկացրեց 2018-ի ընտրություններին ընդառաջ Սորոսի ժպտացող նկարով եւ հետեւյալ գրառմամբ. «Թույլ մի տվեք, որպեսզի Սորոսը վերջինը ծիծաղի»:
Հունգարիայի հրեական ֆեդերացիաների ֆեդերացիան (Mazsihisz) կոչ էր արել Օրբանին դադարեցնել քարոզարշավը, եւ ի վերջո կառավարությունը դադարեցրեց այն: Այնուամենայնիվ, նա կտրականապես հերքում էր, որ քարոզարշավը հակահրեական էր :
Լուրեր Հայա
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...