Ամերիկացի իրավապաշտպանները գովազդատուներին կոչ են արել բոյկոտել Facebook-ը

Ամերիկյան քաղաքացիական իրավունքների պաշտպանության խմբերը գովազդատուներին կոչ են արել հուլիսին բոյկոտել Facebook-ը՝ հայտարարելով, որ ատելության խոսքը եւ բռնության հրահրումը հարթակում չեն կարգավորվում, հայտնում է AFP-ը:

#StopHateForProfit կոչը, որը նաեւ հրապարակվել է Los Angeles Times-ի ամբողջ էջով գովազդի մեջ, աջակցություն է ստացել Հակադիֆոմացիոն լիգայի (ADL), Գունավոր մարդկանց վիճակի բարելավման ազգային ասոցիացիայի, ColorOfChange-ի, FreePress-ի եւ «Քնած հսկաներ»-ի կողմից:

Քարոզարշավը արձագանք էր «Facebook-ի երկար պատմությանը այն մասին, որ սոցցանցը թույլ է տալիս ռասիստական, բռնության եւ կեղծ բովանդակություն տարածել իր հարթակում»: «Եկեք հզոր հաղորդագրություն ուղարկենք Facebook-ին՝ ձեր շահույթը չարժե, որ ատելություն, անհանդուրժողականություն, ռասիզմ, հակասեմիտիզմ եւ բռնություն քարոզեք»: