Օձերն ու մողեսները մարդկանց սննդակարգում են հայտնվել 15 հազար տարի առաջ
Իսրայելի հյուսիսում բնակված մարդիկ շուրջ 15 հազար տարի առաջ սնունդի մեջ գործածել են օձեր եւ մողեսներ: The Times of Israel պարբերականը հայտնում է, որ այս հայտնագործությունը կատարել են Հայֆայի համալսարանի աշխատակիցները, որոնք Կարմել լեռան շրջանում կատարած պեղումների արդյունքներով հայտնաբերել են մարդկային սննդակարգում սողունների առկայության ապացույցներ:
Կարմել լեռից ոչ հեռու կա հնագիտական տեղամաս՝ Էլ Վադ անվամբ, որն արդեն բավական վաղուց առաջացնում է հետազոտողների հետաքրքրությունը: Այստեղ կատարված նոր պեղումներով հայտնաբերվել են մեծ քանակությամբ մողեսների եւ օձերի մնացորդներ, որոնց, ամենայն հավանականությամբ, սնունդի մեջ են գործածել նատուֆինյան մշակույթի ներկայացուցիչները:
Գիտնական Ռեուվեն Յեշուրունը նշել է, թե ընդունված է համարել, որ նատուֆինյան մշակույթը Կարմել լեռան ստորոտին առաջացել է շուրջ 15 հազար տարի առաջ: Խոսքը զարգացած մշակույթի մասին է, որին հատկանշական էր այն ժամանակներում բավական առաջավոր նստակյաց ապրելակերպը:
«Պատմական աղբյուրները վկայում են, որ օձերին սնունդի մեջ գործածել են միջնադարյան մարդիկ, բայց եթե տեղափոխվենք մարդկության պատմության ավելի վաղ ժամանակներ, ապա այս կապակցությամբ ոչ մի տվյալ չկա: Մեր հայտնագործությունը ցույց է տալիս, որ օձերին եւ մողեսներին կերել են նույնիսկ 15 հազար տարի առաջ: Մեզ նույնիսկ հաջողվել է պարզել որոշ սողուների տեսակային պատկանելությունը, որոնք օգտագործվել են սնունդի մեջ՝ դրանք են, օրինակ, մողեսային օձ Մոնպելյեն եւ սովորական իժը»,- նշում են հետազոտողները, փոխանցում է Planet- today-ը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...