Թրամփը ոստիկանության բարեփոխման մասին հրամանագիր է ստորագրել
ԱՄՆ նախագահ Դոնալդ Թրամփը ոստիկանության բարեփոխման մասին հրամանագիր է ստորագրել, որը նախատեսում է ոստիկանների ատեստավորման ու վերապատրաստման ծրագրերի կատարելագործում եւ հոգեկան առողջության պահպանման ոլորտում ռեսուրսների ընդլայնում, հայտնում է «Ամերիկայի ձայնը»։
Սպիտակ տան Վարդագույն այգում հրամանագրի ստորագրման արարողության ժամանակ իր ելույթում նախագահն նշել է արարողությանը ներկա այն մարդկանց անունները, ովքեր ոստիկանության հետ բախումներում զոհվածների հարազատներն են։ Միաժամանակ, նա հավաքվածներին ներկայացրել է իրավապահ մարմինների՝ արարողությանը ներկա ղեկավարներին։
Նախագահն ընդգծել է, որ ամերիկյան հասարակությունը պետք է աջակցի ոստիկանական համազգեստով քաջ տղամարդկանց եւ կանանց՝ միաժամանակ նշելով հասարակության առջեւ ոստիկանության հաշվետու լինելու անհրաժեշտությունը եւ նրա պրոֆեսիոնալիզմի ու բարոյական չափանիշների բարձրացման կարեւորությունը:
Թրամփը հայտարարել է, որ վճռականորեն դեմ է ոստիկանության վարչություններին ֆինանսավորումից զրկելու առաջարկություններին:
«Ամերիկացիները գիտեն ճշմարտությունը՝ առանց ոստիկանության քաոս է տիրում, առանց օրենքի անարխիա է սկսվում»,- հիշեցրել է նախագահը: Նա նաեւ ասել է, որ Օբամայի վարչակազմը չի էլ փորձել լուծել այն խնդիրը, որի լուծման ճանապարհին քայլն այսօր է արվում:
Ելույթի ընթացքում նախագահն ընդգծել է այս խնդրում սոցիալ-տնտեսական բաղադրիչի դերը: Այս կապակցությամբ Թրամփը վստահություն է հայտնել, որ գալիք տարին երկրի տնտեսական պատմության մեջ ամենահաջողվածներից մեկը կլինի։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...