Բարսելոնան եւ Ռեալը սկսեցին հաղթանակով

Երկար դադարից հետո սկսվել է նաեւ ֆուտբոլի Իսպանիայի առաջնությունը: Առաջատարները՝ բարսելոնան եւ Ռեալը կրկին հաղթեցին: Կատալոնցիները 3:0 հաշվով հաղթեցին Մալյորկային, իսկ Ռեալը 3:1 հաշվով՝ Էյբարին:

Գրանադան 2:1 հաշվով հաղթեց Խետաֆեին, Վալենսիան 1:1 խաղաց Լեւանտեի հետ, Էսպանյոլը շատ կարեւոր հաղթանակ տարավ 2:0 հաշվով Ալավեսի դեմ խաղում, Սելտան 1:0 հաշվով պարտվեց Վիլյառեալից, Լեգանեսը տանը 2:1 հաշվով պարտվեց Վալյադոլիդից, Բիլբաոյի Ատլետիկը 1:1 խաղաց Մադրիդի Ատլետիկի հետ. Ռեալ Սոսիեդադը 1:1 ավարտեց հանդիպումը Օսասունայի հետ:

Իսկ առաջին խաղում Սեւիլիան հաղթել էր Բետիսին:

Այժմ Բարսելոնան ունի 61, իսկ Ռեալը՝ 59 միավոր: Երրորդ տեղում 50 միավորով Սեւիլիան է, իսկ Ռեալ Սոսիեդադը երեք միավոր ավելի քիչ ունի:

Top-News.am