Հունաստանը հայտարարել է զբոսաշրջիկներին ընդունելու պատրաստակամության մասին

Զբոսաշրջիկների անվտանգությունը Հունաստանի կարեւորագույն առաջնահերթությունն է, երկիրը ճանապարհորդների համար բացում է իր օդանավակայանները, Սանտորինի կղզի այցի ժամանակ հայտարարել է վարչապետ Կիրիակոս Միցոտակիսը, հայտնում է Reuters-ը։

Միջազգային չվերթները կվերականգնվեն հունիսի 15-ին՝ մոտ եռամսյա կարանտինից հետո։

Զբոսաշրջության ոլորտի եկամուտները կազմում են արդեն 2018թ․ ճգնաժամի մեջ հայտնված երկրի տնտեսության մոտ 20%-ը։

«Հսկայական հաճույք է գտնվել այստեղ՝ Սանտորինիում․․․ եւ որպեսզի ուղերձ ասել՝ Հունաստանը պատրաստ է այս ամառ ընդունել զբոսաշրջիկների՝ կարեւորագույն առաջնահերթություն համարելով նրանց անվտանգությունը եւ առողջությունը»,- նշել է Հունաստանի վարչապետը։

Երկրում մտցված խիստ սահմանափակումները օգնել են բավական հաջողությամբ հաղթահարել կորոնավիրուսը։ Գրանցվել է վարակման 3000-ից մի փոքր ավելի դեպք, ինչը բավական լավ ցուցանիշ է ԵՄ-ում։

Սակայն այս իրավիճակը հանգեցրել է բիզնեսի ոլորտներում մեծ խնդիրների, եւ այս տարի Հունաստանում տնտեսության մինչեւ 13% անկում է սպասվում։