Պուտինը չի կարողանում հանգստի մեկնել

Ռուսաստանի նախագահ Վլադիմիր Պուտինի մամուլի քարտուղար Դմիտրի Պեսկովը հայտարարել է, որ նախագահը չի կարողանում լիարժեք հանգստյան օրեր և արձակուրդ վերցնել, քանի որ չափազանց աշխատասեր է և միշտ աշխատանքի մեջ է, գրում է ՏԱՍՍ գործակալությունը։

«Մեր նախագահը, ինչպես և գիտեք, չափազանց աշխատասեր է, նա միշտ աշխատում է․․․ընդհանրապես դադար չի կարողանում վերցնել, չի կարողանում բառի բուն իմաստով հանգստի մեկնել»,- նշել է Պեսկովը։

Մամուլի քարտուղարը նաև ընդգծել է, որ իր գրաֆիկը համընկնում է նախագահի աշխատանքային գրաֆիկի հետ, իսկ աշխատանքային օրը հիմնականում անկանոն է։

«Երբեմն առավոտյան 10-ին ենք սկսում, երբեմն էլ 11-ին, սակայն աշխատանքային օրը ուշ՝ 9-ին, 10-ին, երբեմն էլ 11-ին է ավարտվում։ Երբ գործուղումների մեջ ենք, փաստացի շուրջօրյա ենք աշխատում՝ քնի որոշ ընդմիջումներով: Ամեն բան կախված է նախագահի գրաֆիկից»,- նշել է Կրեմլի ներկայացուցիչը։

Այս թեմայով Պուտինն ապրիլի 1-ից արգելել է Ռուսաստանից դեպի ԵԱՏՄ երկրներ 100 հազար դոլարից ավելի կանխիկ գումարի արտահանումը Բնակչության մինչև 95%-ը պետք է իրեն ռուսաստանցի զգա․ Ռուսաստանի ազգային նոր քաղաքականության ռազմավարությունը Թրամփը նշել է, որ իր կինը հավանում է Պուտինին Ուկրաինան փորձում է հարձակումներով վախեցնել ռուսաստանցիներին. Պուտին Ֆիդանը Մոսկվայում հանդիպելու է Պուտինի հետ. աղբյուր