«Ապրի գլխավոր դատախազը». Սաակաշվիլին Ուկրաինայի գլխավոր դատախազին գովել է Պորոշենկոյի դեմ գործ հարուցելու համար
Ուկրաինայի բարեփոխումների ազգային խորհրդի նորանշանակ ղեկավար Միխեիլ Սաակաշվիլին գովել է երկրի գլխավոր դատախազ Իրինա Վենեդիկտովային «իր մեջ ուժ գտնելու» և նախկին նախագահ Պյոտր Պորոշենկոյի դեմ քրեական գործ հարուցելու համար:
Ինչպես նշում է ria.ru-ն, Սաակաշվիլին այս մասին ասել է «Ուկրաինա 24» հեռուստաալիքի եթերում
«Գլխավոր դատախազությունը վերջապես իր մեջ ուժ է գտել, ապրի գլխավոր դատախազը, որ Պորոշենկոյի դեմ գործ է հարուցել»,-ասել է պաշտոնյան:
Նա նկատել է, որ Պորոշենկոյի օրոք երկիրը 30%-ով ավելի է աղքատացել, մինչդեռ ինքը՝ նախկին նախագահը, կրկնապատկել է իր հարստությունը:
«Եթե գնանք այդ գումարների հետքերով, ապա շատ բան կգտնենք: Գիտեմ, որ շատերը դատախազությունում կասկածներ ունեն ու փորձում են կանգնեցնել գլխավոր դատախազն, սակայն նա իր որոշումն արդեն կայացրել է»,-ասել է Սաակաշվիլին:
Հավելենք, որ Պորոշենկոն կասկածվում է երկրի օրենսդրության խախտմամբ ուժային կառույցներում նշանակումներ կատարելու համար։ Խոսքն Արտաքին հետախուզության ծառայության առաջին փոխտնօրենի՝ 2018-ին իրականացված նշանակման մասին է, որն, ըստ ուկրաինացի քննիչների, ուղեկցվել է օրենքի մի շարք դրույթների կոպիտ խախտումներով։ Պորոշենկոն, քննիչների պնդմամբ, ճնշում է գործադրել հետախուզական ծառայության ղեկավարի վրա՝ ստիպելով նրան փոխտնօրենի պաշտոնում նշանակել ոմն Սերգեյ Սեմոչկոյի։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...