Ոստիկանությունը խաղալիք թղթադրամների պատճառով հետաքննություն է սկսել 8-ամյա տղայի նկատմամբ

Շվեյցարիայի ոստիկանությունը հետաքննություն է սկսել ութամյա տղայի նկատմամբ, որը խանութում հարցրել է՝ արդյոք կարող է խաղալիք թղթադրամով գնում կատարել:

Ինչպես նշում է The Guardian-ը, տղայի ձեռքում խաղալիք եվրո թղթադրամներ են եղել:

Երեխայի դեմ որևէ մեղադրանք չի ներկայացվել, սակայն նրա անունը մինչ 2032թ. մայիս կմնա ոստիկանական արձանագրություններում:

Աղբյուրը մանրամասնում է, որ կեղծ եվրո թղթադրամները Զիսախ կոմունայում են հայտնվել մարտի սկզբին՝ այնտեղ կազմակերպված դիմակահանդեսի ժամանակ: Այնուհետև երեխաները հավաքել են հատակին ցփնված թղթադրամները:

Ապրիլի վերջին, ութամյա տղան իր տասնամյա եղբոր և հարևանուհու դստեր հետ գնացել են խանութ ու հարցրել՝ արդյոք կարող են թղթադրամն օգտագործել:

Եվ թեպետ առաջին հայացքից էլ ակնհայտ է եղել, որ գումարը կեղծ է, խանութի աշխատողները ոստիկանություն են կանչել: Այնուհետև ոստիկաններն այցելել են տղաների տուն, երեք ժամ հարցաքննել՝ պարզելու համար արդյոք երեխաները կեղծ թղթադրամները չհասկանալով են փորձել օգտագործել, թե օրենքին հակասող հանցանքն են գործել: Հատկանշական է, որ երկու եղբայրներին լուսանկարել են, ինչպես սովորաբար արվում է հանցագործների դեպքում:

Իրավապահները նրանց տունը խուզարկել են և հայնաբերել 50, 20, 10 և 5 եվրո կեղծ թղթադրամներ, որոնք առգրավվել են: