Պորտուգալիայի առաջնություն․ Պորտուն հաղթեց, Բենֆիկան ձեռքից բաց թողեց հաղթանակը

Պորտուգալիայի ֆուտբոլի առաջնության 26-րդ տուրում հյուրընկալվելիս «Բենֆիկան» ոչ-ոքի՝ 2-2 հաշվով ավարտեց իր հանդիպումը առաջնության հետնապահներից մեկի՝ «Պորտիմոնենսեի» հետ։

Առաջին խաղակեսում հյուրերը առջևում էին 0-2 հաշվով՝ Պիցցիի և Ալմեյդայի գոլերի շնորհիվ։ Սակայն երկրորդ խաղակեսում «Բենֆիկան» չկարողացավ պահպանել առավելությունը․ տանտերերի կազմում Դեների և Տավարեշի խփած գնդակները թույլ տվեցին «Պորտիմոնենսեին» խուսափել պարտությունից։

Այս խաղից հետո «Բենֆիկան» իր ակտիվում ունի 67 միավոր և զբաղեցնում է երկրորդ տեղը մրցաշարային աղյուսակում։ «Պորտիմոնենսեն» 20 մավորով նախավերջին՝ 17-րդ տեղում է։

Խաղային օրվա մյուս հանդիպումը կայացավ Պորտու քաղաքում, որտեղ տեղի համանուն թիմը 1-0 հաշվով հաղթեց «Մարիտիմոյին»․ հանդիպման միակ գոլը խաղի սկզբնամասում խփեց Կորոնան։

«Պորտուն» 63 միվորով միանձնյա գլխավորում է մրցաշարային աղյուսակը, «Մարիտիմոն» 25 միավորով 15-րդն է։