Ֆրանսիայում կավելացնեն տուգանքներն աղբը չնախատեսված վայրում նետելու համար
Ֆրանսիայում կառավարությունը պատրաստվում է 135 եվրո տուգանք նշանակել աղբը չնախատեսված վայրում նետելու համար: Այս մասին հայտնում է France-Presse-ը՝ վկայակոչելով Էկոլոգիական անցման հարցերով պետքարտուղար Բրյուն Պուարսին:
Ակնկալվում է, որ համապատասխան կառավարական որոշումը կներկայացվի նախարարների կաբինետի քննությանը հունիսի կեսերին: Եթե այն հաստատվի, չնախատեսված վայրում ծխուկներ կամ աղբ նետելու համար տուգանքը 135 եվրո կկազմի: Այժմ այդ գումարը 68 եվրո է, հայտնում է RFI- ն:
Տուգանքի չափի մեծացնելու համար առիթ էր հանդիսացել նաեւ սանիտարական թափոնների ավելացումը COVID-19 համավարակի ֆոնին: Աշխարհի շատ երկրներում, այդ թվում ՝ Ֆրանսիայում, բնապահպանական իրավիճակը բարելավվել է կարանտինի ներմուծումից ի վեր : Սակայն կարանտինային միջոցառումների մեղմացմանը զուգահեռ փողոցներում ավելի ու ավելի հաճախ կարելի է նետված դիմակներ եւ ռետինե ձեռնոցներ տեսնել:
Մայիսի 14-ին Փարիզի հավաքարարների ծառայությունը Twitter-ում գետնին նետված դիմակների եւ ձեռնոցների լուսանկար էր հրապարակել՝ ուղեկցելով այն հետեւյալ գրառումով. «Մենք պետք է նրանց ավելներ բաժանենք, այս մարդիկ արժանի չեն դիմակների»:
Ըստ նոր հրամանագրի՝ որոշ դեպքերում տուգանքը կարող է 135 եվրոյից հասնել մինչեւ 375 եվրո կամ նույնիսկ 750 եվրո, եթե խախտողի նկատամբ ոստիկանական արձանագրություն կազմվի:
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
Արհեստների միջազգային 5-րդ փառատոնն այս տարի կանցկացվի Մեղրիում
ԵՄ-ից ավտոմեքենաների մաքսատուրքերի բարձրացումը հետաձգվել է
ԱԺ նախագահի որոշմամբ կգումարվի ԱԺ արտահերթ նիստ
Աշխարհի լավագույն համալսարանների շրջանավարտներին զինծառայության զորակոչից տարկետում կտրվի ՀՀ-ում աշխ...
Երևանի Նոր Արեշ փողոցում տուն է այրվել
Հրդեհից հետո լոգարանում հայտնաբերվել է դի․ ՆԳՆ
Միանձնուհու հանդերձանքը դարձել է հարձակման պատճառ
Կրեմլը պարզաբանում է ակնկալում Երևանից․ Պեսկով
Քանի օրով արձակուրդ կգնան 27-37 տարեկանում կրճատ ժամկետով պարտադիր զինծառայություն անցնողները. նախագ...