Սմարթֆոնն առանց լիցքավորման ավելի երկար օգտագործելու պարզ եղանակներ

Սմարթֆոններ օգտագործողների համար բացահայտել են սմարթֆոնի արդյունավետությունն և առանց վերալիցքավորման աշխատանքի ժամանակն ավելացնելու պարզ եղանակներ: Այս մասին Prime գործակալությանը տված հարցազրույցում ասել է «Թվային պլատֆորմներ» կազմակերպության գլխավոր տնօրեն Արսենի Շչելցինը:

Նա սմարթֆոններից օգտվողներին խորհուրդ է տվել հեռացնել բոլոր ծրագրերը, որոնք նրանք չեն օգտագործում: Ցանկացած ծրագիր, որը տեղադրված է սմարթֆոնի վրա, վաղ թե ուշ ատարբեր գործողություններ է կատարում և պահանջում է թարմացումներ: Դրանք հեռացնելուց հետո գաջեթն առանց լիցքավորման իր աշխատանքը կերկարացնի մինչև 10 տոկոս:

Անհրաժեշտ է սահմանափակել նաև ֆոնային ռեժիմում գտնվող ծրագրերի աշխատանքը. դրանք կարող են լինել մեսենջերներ, սոցիալական ցանցեր, քարտեզներ և նավիգատորներ, ինչպես նաև որոնողական ծառայություններ: Սա թույլ կտա սարքի աշխատանքը երկարացնել ևս մինչև 20-30 տոկոսով: Բացի այդ, անհրաժեշտ է անջատել լրացուցիչ ծառայությունները՝ NFC, GPS, Bluetooth և Wi-Fi, ինչպես նաև նվազեցնել հեռախոսի պայծառությունը և անհրաժեշտության դեպքում անջատել ինտերնետը: Նման գործողությունները կօգնեն մեծացնել սարքի առանց լիցքավորման գործունեության ժամանակը մինչև 50 տոկոսով:

Մասնագետը վերջում առաջարկել է ուշադրություն դարձնել էներգախնայողության ռեժիմին և հետևել թարմացումներին: