Վայնշտեյնին մեղադրել են անչափահասի ու եւս երեք զոհի բռնաբարության մեջ
Ամերիկացի պրոդյուսեր Հարվի Վայնշտեյնին, որը բռնաբարության համար 23 տարվա ազատազրկման է դատապարտվել, մեղադրել են բռնաբարության եւս չորս դեպքի համար։ Variety-ի հաղորդմամբ՝ մեղադրանքներ են հնչել նաեւ անչափահասի նկատմամբ ոտնձգության վերաբերյալ։
Ենթադրյալ զոհերի անունները չեն նշվում։ Ըստ նրանց ցուցմունքների՝ միջադեպերը տեղի են ունեցել 1984-2013թթ., զոհերից մեկը բռնաբարության պասհին՝ 1994թ.-ին, 17 տարեկան է եղել։ Նա պնդում է, որ Վայնշտեյնը «բռնությամբ պահել է իրեն, ոտնձգել ու բռնաբարել»։ Հանցագործությունը տեղի է ունեցել հյուրանոցի համարում, բռնաբարությունից հետո պրոդյուսերը սպառնացել է ֆիզիկական բռնություն գործադրել, եթե նա պատմի կատարվածի մասին, ինչպես նաեւ խոստացել է ոչնչացնել նրա դերասական կարիերան։
Տուժողները Վայնշտեյնի դեմ դատական հայց են ներկայացրել։ Դրանում որպես պատասխանող՝ նշված են նրա եղբայրը՝ Բոբ Վայնշտեյնը, ինչպես նաեւ Miramax եւ Disney ընկերությունները։ Նշվում է, որ նրանք «կա՛մ գիտեին, կա՛մ պետք է իմանային հանցագործի գործողությունների մասին» եւ կանխարգելեին դրանք։
Զոհերից մեկն Էկվադորից 70-ամյա կին է, որը պնդում է, որ պրոդյուսերն իր նկատմամբ ոտնձգել է 1984թ.-ին Կաննի հյուրանոցներից մեկում, երբ ինքը 34 տարեկան է եղել։ Երրորդ զոհը՝ 38 տարեկան, հայտարարել է, որ Վայնշտեյնն իրեն բռնաբարել է 2008թ.-ին Նյու Յորքում։ Չորրորդը՝ Հունգարիայի 35-ամյա բնակչուհի, հայտարարել է 2013թ.-ին՝ Վենետիկի կինոփառատոնի անցկացման ընթացքում, օրալ սեքսի հարկադրման մասին։
Մարտի 11-ին պրոդյուսերը դատապարտվել է 23 տարվա ազատազրկման։ Փետրվարին երդվյալ ատենակալները նրան մեղավոր են ճանաչել երրորդ աստիճանի բռնաբարության եւ առաջին աստիճանի սեռական հարաբերության հակման համար։ Վայնշտեյնը հրաժարվել է ընդունել մեղքը։ Նրա խոսքով՝ ամեն ինչ տեղի է ունեցել փոխադարձ համաձայնությամբ։
Պրոդյուսերի հասցեին մեղադրանքներն առաջին անգամ հնչել են 2017թ.-ին The New York Times-ի էջերում։ Պարբերականը գրել է բազմաթիվ երիտասարդ դերասանուհիների ու պրոդյուսերի հովանավորյալների մասին, որոնք տուժել են վերջին 30 տարվա ընթացքում։ Ավելի ուշ Վայնշտեյնի հետ հարաբերությունների պատմությունները ներկայացրել է ավելի քան 80 կին, այդ թվում Անջելինա Ջոլին, Գվինեթ Փելթրոուն եւ Սալմա Հայեքը։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...