ԱՀԿ-ն կասեցրել է հիդրօքսիքլորոքինի և քլորոքինի փորձարկումները՝ որպես Covid-19-ի դեմ հավանական դեղամիջոց

 Առողջապահության համաշխարհային կազմակերպությունը (ԱՀԿ) կասեցրել է հիդրօքսիքլորոքինի և քլորոքինի կլինիկական փորձարկումները՝ որպես Covid-19-ի բուժման հավանական դեղամիջոց՝ անվտանգության նկատառումներից ելնելով:

Վերջերս կատարված ուսումնասիրությունը ցույց է տվել, որ հիդրօքսիքլորոքինի օգտագործումը ոչ միայն անարդյունավետ է, այլև կարող է մեծացնել հիվանդի մահվան հավանականությունը:

Աշխարհի 671 հիվանդանոցներից 96 հազար հիվանդի տվյալների վերլուծություն կատարելուց հետո գիտնականները եկել են այն եզրակացության, որ քլորոքինը և դրա ածանցյալ` հիդրօքսիքլորոքինը պոտենցիալ վտանգավոր են, քանի որ դրանք կարող են բարդություններ առաջացնել սրտանոթային համակարգի հետ կապված: Առիթմիաների առաջացման հավանականությունը զգալիորեն բարձր է եղել այն մարդկանց մոտ, որոնք ընդունել են մալարիայի դեմ այդ դեղամիջոցը:

Որոշ ժամանակ առաջ ԱՄՆ նախագահ Դոնալդ Թրամփը հայտարարեց, որ որպես կանխարգելիչ միջոց է ընդունում հիդրօքսիքլորոքինը, չնայած Առողջապահության համաշխարհային կազմակերպության հայտարարություններին, որ չկա համոզիչ ապացույց դեղամիջոցի արդյունավետության վերաբերյալ` կորոնավիրուսի դեմ պայքարում: