Աբեն հրաժարվել է հրաժարական ներկայացնել, չնայած Տոկիոյի դատախազի շուրջ սկանդալին
Ճապոնիայի վարչապետ Սինձո Աբեն հայտարարել է, որ մտադիր չէ թողնել իր պաշտոնը, չնայած Տոկիոյի դատախազ Հիրոմու Կուրոկավայի սկանդալային հրաժարականին: Երկրի վարչապետը համապատասխան հայտարարությունը կատարել է այսօր Ճապոնիայի խորհրդարանի ստորին պալատի մասնագիտական կոմիտեի նիստի ժամանակ, փոխանցում է ՏԱՍՍ-ը:
«Ինձ վրա դրված է նոր կորոնավիրուսի տարածումը կանխելու, քաղաքացիների կյանքն ու առողջությունը պաշտպանելու, ինչպես նաեւ ընկերությունների անընդհատ աշխատանքն ապահովելու առաքելություն»,- նշել է Աբեն:
Նիստի ժամանակ ավելի վաղ Ճապոնիայի խորհրդարանի ընդդիմադիր պատգամավորները քննադատել էին երկրի վարչապետին՝ հայտարարելով, որ «վարչապետ Աբեն եւ արդարադատության նախարար [Մասակո] Մորին ոչ մի պատասխանատվություն չեն կրել» դատախազի գործողությունների համար:
Կուրոկավան հրաժարական էր ներկայացրել մայիսի 21-ին, Ճապոնիայի կառավարությունն այն հաստատել էր ուրբաթ՝ մայիսի 22-ին: Նրա հրաժարականի պատճառն է կորոնավիրուսի համավարակի հետեւանքով արտակարգ իրավիճակի համազգային ռեժիմի գործողության ժամանակահատվածում փողով ազարտային խաղերի պատճառով սկանդալը: Նշվում էր, որ դատախազը մայիսի 1-ին եւ 13-ին Տոկիոյում այցելել է Sankei պարբերականի լրագրողի բնակարան, որտեղ նրանք փողով մաջոնգ են խաղացել: Խաղին մասնակցել է նաեւ Asahi պարբերականի թղթակիցը եւ Sankei-ի եւս մեկ աշխատակից: Ամեն անգամ դատախազին տուն են տարել վարձակալած ավտոմեքենայով: Այս մասին տեղեկությունը հրապարակել էր Shukan Bunshun օրաթերթը:
Արդյունքում Տոկիոյի դատախազի պահվածքը հարուցել է հանրության եւ ընդդիմադիր կուսակցությունների սուր քննադատությունը: Նշվում է, որ հատուկ դժգոհություն է հարուցել այն փաստը, որ 63-ամյա Կուրոկավան մտերիմ կապեր ունի վարչապետ Աբեի հետ:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...