ԵՄ 22 երկրից ստացված տվյալները վկայում են, որ դպրոցների վերաբացումը կորոնավիրուսի վարակվածության ալիք չի առաջացրել. (լուսանկարներ)

Ամբողջ Եվրոպայում դպրոցների վերաբացումը կորոնավիրուսի վարակվածության ալիք չի առաջացրել, գրում է Daily Mail-ը։

Դպրոցները վերաբացած ԵՄ 22 երկրներից ստացված տվյալները վկայում են կորոնավիրուսի համավարակի պայմաններում դասերի վերսկսումից հետո աշակերտների, ուսուցիչների կամ նրանց ընտանիքների համար աննշան կամ ամբողջական ռիսկի բացակայության մասին:

ԵՄ նիստում հայտարարվել է, որ դպրոց աստիճանական վերադարձը ոչ մի «բացասական» հետևանքի չի հանգեցրել։

Դանիան մեկ ամիս առաջ վերաբացել է մանկապարտեզները և տարրական դպրոցները, սակայն վարակման մակարդակը շարունակում է նվազել:

Անցյալ շաբաթ մոտ 1,4 միլիոն ֆրանսիացի աշակերտներ վերադարձել են դպրոցներ, և մոտավորապես 40 000 դպրոցներից և մանկապարտեզներից միայն 70-ն են կրկին փակվել աշակերտների և ուսուցիչների շրջանում կորոնավիրուսի տարածման պատճառով։

Գերմանիան վերաբացել է ավագ դպրոցները և նախատեսում է առաջիկայում թույլատրել կրտսեր դպրոցական խմբերի դասերի վերսկսումը։