Միակ տարբերությունը լեզուն է. Մխիթարյանը` հայերի ու իտալացիների տարբերությունների մասին

Իտալիայի դեսպանատան նախաձեռնությամբ կազմակերպված հարցազրույցի ընթացքում Հենրիխ Մխիթարյանը պատասխանել է նաև հայերի և իտալացիների նմանությունների և տարբերությունների վերաբերյալ հարցին:

«Նրանք էլ շատ կատակասեր են, զվարճալի: Նրանք էլ են ստում: Դա նորմալ է, ես սովորել եմ դրան: Սիրում եմ դրական ու էներգիայով լի մարդկանց: Երբ առաջին անգամ եկա այստեղ, թվում էր՝ Հայաստանում եմ: Կարծում եմ՝ հայերի և իտալացիների միակ տարբերությունը լեզուն է: Մենք խոսում ենք հայերեն, նրանք` իտալերեն: Իտալերենը շատ գեղեցիկ լեզու է: Երբ ավելի երիտասարդ էի, նպատակներիցս մեկն իտալերեն կամ իսպաներեն սովորելն էր, ու հիմա հնարավորություն ստացա իտալերեն սովորելու: Փառք Աստծո, ինձ մոտ վատ չի ստացվում, մարդիկ գոհ են նրանից, թե ես ինչպես եմ խոսում իտալերեն, արդեն հասցրել եմ մի քանի հարցազրույց տալ»,- պատասխանել է Մխիթարյանը: