«Համաճարակի վերաբերյալ ապատեղեկատվությունը տարածում են Կրեմլին մոտ կանգնած աղբյուրները»
Եվրահանձնաժողովի տվյալներով` կորոնավիրուսի վերաբերյալ որոշ դավադրական տեսությունների տարածմանը նպաստում են Կրեմլին մոտ կանգնած աղբյուրները, այս մասին հայտարարել է Եվրամիության (ԵՄ) դիվանագիտական գերատեսչության ներկայացուցիչ Պիտեր Ստանոն գերմանական Bild am Sonntag թերթի հետ զրույցում:
«Մեր ուսումնասիրությունները վկայում են, որ պաշտոնական և պետական աջակցություն վայելող տարբեր լրատվամիջոցներ, այսինքն` Կրեմլին մոտ կանգնած աղբյուրներն ու ռուսաստանյան պետական լրատվամիջոցները շարունակում են դավադրական տեսություններ և ապատեղեկատվություն տարածել Եվրամիության և հարևանների շրջանում»,- հայտարարել է եվրոպացի դիվանագետը:
Ռուսաստանի գլխավորած տեղեկատվական արշավի մասին եվրոպական դաշինքը խոսել էր դեռևս մարտին՝ փաստելով, որ Կրեմլին մոտ կանգնած լրատվամիջոցները կորոնավիրուսի մասին ապատեղեկատվությամբ փորձում են խարխլել արևմտյան երկրներում հանրային վստահությունը, խուճապ առաջացնել, կասկածի տակ դնել եվրոպական առողջապահական համակարգը: Նպատակը, ինչպես նշում են ԵՄ փորձագետները, համաճարակին Եվրամիության արձագանքը թերագնահատելն է, ինչպես նաև կորոնավիրուսի վարակի ծագման հարցում խառնաշփոթ առաջացնելը:
Արհեստների միջազգային 5-րդ փառատոնն այս տարի կանցկացվի Մեղրիում
ԱԺ նախագահի որոշմամբ կգումարվի ԱԺ արտահերթ նիստ
Քանի օրով արձակուրդ կգնան 27-37 տարեկանում կրճատ ժամկետով պարտադիր զինծառայություն անցնողները. նախագ...
Երևանի Նոր Արեշ փողոցում տուն է այրվել
«Թուրքական ավիաուղիներ»-ի ինքնաթիռի անվադողերը վայրէջքի ժամանակ բռնկվել են
Կրեմլը պարզաբանում է ակնկալում Երևանից․ Պեսկով
Հանրապետությունում մայիսի 8-11-ը բացահայտվել է 296 հանցագործություն. գրանցվել է 39 ավտովթար
ԱԺ-ն երկրորդ ընթերցմամբ ու ամբողջությամբ ընդունեց թմրամիջոց պահելու, արտադրելու, իրացնելու պատիժները...
Փրկարար ծառայությունն ամփոփում է անցած շաբաթը
Թանգարանների գիշեր․ մայիսի 16-ին թանգարանները կգործեն անվճար մինչև կեսգիշեր