2 մլն բնակչությամբ Սլովենիան դարձել է կորոնավիրուսը հաղթահարած առաջին եվրոպական երկիրը
Սլովենիայի կառավարությունը պաշտոնապես հայտարարել է երկրի տարածքում կորոնավիրուսի համաճարակի ավարտի մասին՝ դառնալով կորոնավիրուսը հաղթահարած առաջին երկիրը Եվրոպայում, տեղեկացնում է Reuters գործակալությունը:
Հայտարարությունն արվել է նրանից հետո, երբ երկու շաբաթ շարունակ 2 մլն բնակչությամբ երկրում ամեն օր գրանցվել է կորոնավիրուսով վարակման 7-ից քիչ դեպք:
«Այսօր Սլովենիան լավագույն համաճարակային պատկերն ունի Եվրոպայում»,-հայտարարել է երկրի վարչապետ Յանեզ Յանշան:
Եվրոպական Միության այլ երկրներից Սլովենիա եկող մարդիկ այլևս պարտավոր չեն լինի նվազագույնը 7 օր կարանտին անցնել, ինչպես արվում էր ապրիլին: Միևնույն ժամանակ կառավարությունը հայտարարել է, որ կորոնավիրուսի ախտանիշներ ունեցող արտասահմանցիներին առաջվա պես թույլ չի տրվի մուտք գործել երկիր: Նվազագույնը 14-օրյա կարանտինը ուժի մեջ կմնա երկիր մուտք գործող ԵՄ անդամ չհանդիսացող պետությունների քաղաքացիների համար` բացառությամբ դիվանագետների և բեռնափոխադրումներով զբաղվող անձանց:
«Քաղաքացիները առաջվա պես պետք է շարունակեն հետևել հիմնական կանոններին` չեզոքացնելու համար վարակի տարածումը»,-հայտարարել են կառավարությունում:
Համաճարակի ավարտը նշանակում է, որ որոշ քայլեր, ներառյալ քաղաքացիներին և կազմակերպություններին հատկացվող ֆինանսական օգնությունը ավարտվում է մայիսի վերջին:
Համաճարակի սկզբից Սլովենիայում գրանցվել է կորոնավիրուսով վարակման 1464 և մահվան 103 դեպք:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...