Թրամփը դեռեւս դիմադրում է հրապարակայնորեն դիմակ կրելուն
ԱՄՆ նախագահ Դոնալդ Թրամփն այցելել է Փենսիլվանիայում դիմակների բաշխման կենտրոն՝ հայտարարելով ԱՄՆ-ում բժշկական սարքավորումների ռազմավարական պաշարի համալրման վերաբերյալ իր վարչակազմի ծրագրերի մասին, որը սպառվում է կորոնավիրուսի բռնկման հետեւանքով: Ինքը՝ նախագահը, ինչպես նշում է Reuters-ը, Ալենթաունում տեղակայված բաշխիչ կենտրոնը զննելիս դիմակ չէր կրել:
Թրամփը դեռեւս դիմադրում է հրապարակայնորեն դիմակ կրելուն, չնայած բոլոր ամերիկացիների համար հրապարակային հանձնարարականներին, որ կատարում է նրա վարչակազմը: Նախկինում Սպիտակ տանը սահմանվել էին ներքին կարգի նոր կանոններ, որոնք բոլոր աշխատակիցներից պահանջում էին աշխատանքային պարտականությունները կատարելիս դիմակների կրում:
Նախագահն այցելել էր Փենսիլվանիայում Owens & Minor Inc ընկերության բաշխիչ կենտրոն, որտեղից, Սպիտակ տան փոխանցմամբ, ամերիկյան հիվանդանոցներ են ուղարկվել N95 տեսակի միլիոնավոր բժշկական դիմակներ, վիրաբուժական խալաթներ եւ ձեռնոցներ: Նախագահի այցելության ժամանակ կենտրոնի բոլոր աշխատակիցները դիմակներով էին, փոխանցում է «Ամերիկայի ձայնը»:
Թրամփն անցյալ շաբաթ այցելել էր Արիզոնայում դիմակների արտադրության ֆաբրիկա: Այս այցի ժամանակ նա կրկին դիմակ չէր կրել, չնայած լրագրողներին հայտնել էր, որ մինչեւ մամուլի առաջ դուրս գալը մի քանի դիմակ է փորձել:
Թրամփն այցի ժամանակ նախկին նախագահ բարաք Օբամայի վարչակազմին մեղադրել է իրավիճակի ստեղծման մեջ, որի դեպքում ԱՄՆ-ում սպառվել են հակավիրուսային պաշտպանության միջոցների պաշարները: Պետության ղեկավարը խոստացել է, որ իր վարչակազմը պաշտպանական միջոցների պաշարներ կստեղծի, որոնք կբավականացնեն երեք ամիս, այլ ոչ թե 1-3 շաբաթ: «Ես վստահ եմ, որ Ամերիկան ամբողջությամբ պատրաստ կլինի ապագա ցանկացած բռնկման, որը, հուսով ենք, տեղի չի ունենա»,- հայտարարել է Թրամփը՝ բաշխիչ կենտրոնը զննելուց հեո դիմելով լրագրողներին:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...