Սանկտ Պետերբուրգում համարում են, որ դիմակ կրելը պետք է կյանքի կանոնի վերածվի
ՌԴ Սանկտ Պետերբուրգ քաղաքում կորոնավիրուսի տարածման պայմաններում նահանգապետին կից բժշկական օգնության կազմակերպման գծով աշխատանքային խմբի ղեկավար Եվգենի Շլյախտոն համարում է, որ դիմակներ կրելը պետք է սահմանված կարգ դառնա, որը թույլ կտա հանել առկա սահմանափակումներն ու վերադառնալ սովորական կյանքին: Այս մասին հայտնում է Интерфакс-ը:
«Եթե մենք ցանկանում ենք շարժվել կորոնավիրուսի համավարակի պատճառով ձեռնարկվող սահմանափակող միջոցառումների թուլացման ճանապարհով, անխոս, մենք պետք է ավելի շատ ուշադրություն դարձնենք անվտանգության միջոցների պահպանմանը, և հատկապես հասարակական վայրերում դիմակներ կրելուն»,- հինգշաբթի Շլյախտոյի խոսքերն է ցիտել նահանգապետի աշխատակազմի մամուլի ծառայությունը:
Նա հավելել է, որ դիմակներ կրելը պետք է կյանքի սահմանված կարգ դառնա:
«Մենք պետք է անցնենք, ես կասեի, կորոնավիրուսի պայմաններում կյանքի նոր կաղապարի, որտեղ դիմակների կրումը, հիգինայի կանոններին հատկացվող ավելի մեծ ուշադրությունը, անձնական պաշտպանության միջոցներն օգտագործելու կարգը պետք է դառնան մեր միանգամայն նոր ապրելակերպը: Այն պետք է սահմանված կարգ լինի ոչ միայն մեծահասակների, այլև երեխաների համար: Եվ միայն դա թույլ կտա մեզ արագորեն հանել սահմանափակող միջոցներն ու վերադառնալ լիարժեք կյանքին»,- ասել է Շլյախտոն:
Սանկտ Պետերբուրգում հասարակական վայրերում դիմակներ և ձեռնոցներ կրելը պարտադիր է դարձել մայիսի 12-ից: Այս որոշմանը չհետևելը առաջացնում է տուգանք 4-ից 5 հազար ռուբլու չափով:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...