Բիլ Գեյթսը բավարար չի համարում վարակիչ հիվանդություններին ուշադրություն հրավիրելու իր ջանքերը
Ամերիկացի ձեռնարկատեր, Microsoft կորպորացիայի համահիմնադիր Բիլ Գեյթսը ափսոսանք է հայտնել առ այն, որ դեռ նախքան նոր կորոնավիրուսի տարածումը վարակիչ հիվանդությունների դեմ պայքարին համաշխարհային հանրության ուշադրությունը գրավելու իր ջանքերը բավար չէին, փոխանցում է ՏԱՍՍ-ը:
«Ես կցանկանայի ավելին անել այս վտանգի վրա ուշադրություն հրավիրելու համար: Ես ինձ սարսափելի եմ զգում: Վարակիչ հիվանդությունների մասին խոսելու ողջ իմաստը գործողություններ ձեռնարկելու եւ դրանց տարածման սպառնալիքը նվազագույնի հասցնելու մեջ էր»,- ասել է նա The Wall Street Journal-ին տված հարցազրույցում:
2015-ին գործարարը, ելույթ ունենալով Կանադայի Վանկուվեր քաղաքում անցկացված TED տեխնոլոգիական խորհրդաժողովին, ասել էր, որ վարակիչ հիվանդությունները ավելի մեծ սպառնալիք են ներկայացնում աշխարհի համար, քան միջուկային պատերազմը: Բացի այդ, New England Journal Medicine Medicine գիտական հանդեսի համար հոդվածում նա համավարակները աղետ էր անվանել, որը կարող է հետ գցել մարդկությանը մի քանի տասնամյակով:
«Ես կցանկանայի, որպեսզի այն նախազգուշացումները, որոնք արել եմ ես եւ այլ մարդիկ, ավելի համակարգված միջազգային գործողությունների մղեն,- ասել է Գեյթսը:- Հուսով եմ, որ ամբողջ աշխարհի առաջնորդները, որոնք պատասխանատու են իրենց քաղաքացիների պաշտպանության համար, դասեր կքաղեն այս ողբերգությունից եւ ներդրումներ կանեն տեխնոլոգիաների մեջ` ապագա բռնկումները կանխելու համար»,- ասել է նա:
Գեյթսի հարցազրույցը հրապարակվել էր նրա նկատմամբ հաճախակիացած հարձակումների ֆոնին: Դավադրությունների տեսության կողմնակիցները գործարարին մեղադրում են այն բանի համար, որ նա, իբր, ձգտում է չիպավորել մարդկանց կորոնավիրուսի դեմ պատվաստանյութի պատրվակով:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...