Փարիզում արգելել են ալկոհոլ օգտագործելը գետերի եւ ջրանցքների ափերին
Փարիզի ոստիկանությունը, Ֆրանսիայի ներքին գործերի նախարար Քրիստոֆ Կաստաների խնդրանքով, արգելել է ալկոհոլ օգտագործել Սեն-Մարտեն ջրանցքի եւ այլ գետերի եւ ջրանցքների ափերին: Այս մասին նշվում է պրեֆեկտուրայի կողմից տարածված կարգադրության մեջ, փոխանցում է ՏԱՍՍ-ը:
«Հաջողությունը կախված է յուրաքանչյուրի զգուշավորությունից եւ քաղաքացիական պատասխանատվությունից,- ասել է նախարարը Twitter-ում` մեկնաբանելով ամբոխի ցրումը Սեն-Մարտեն ջրանցքի ափին, որտեղ երկուշաբթի օրը մեծ թվով մարդիկ էին հավաքվել:- Անպատասխանատու պահվածքի բախվելով` ես խնդրեցի ոստիկանապետին արգելել ալկոհոլի օգտագործումը ջրանցքի եւ այլ ջրուղիների երկայնքով»:
Որոշ ժամանակ անց պրեֆեկտուրան հաղորդագրություն էր տարածել, որում նշվում էր, որ «մեկուսացման ռեժիմի թուլացումից մի քանի ժամ անց տասնյակ մարդիկ հավաքվել էին Սեն-Մարտեն ջրանցքի ափին` խախտելով հեռավորության պահպանման եւ սանիտարական կանոնները»: «Ներքին գործերի նախարարի հրամանով` ոստիկանությունը որոշում է կայացրել մայիսի 12-ից արգելել ալկոհոլի օգտագործումը Սեն-Մարտեն ջրանցքի եւ մայրաքաղաքի այլ ջրուղիների երկայնքով», - ընդգծվում է հայտարարության մեջ: Ոստիկանությունում նաեւ նշել են, որ միայն սանիտարական միջոցառումների նկատմամբ պատասխանատու վերաբերմունքը կպաշտպանի Փարիզի բնակիչներին:
Իշխանությունների տվյալներով` Ֆրանսիայում համավարակի սկսվելուց ի վեր կորոնավիրուսից 26.643 մարդ է մահացել, վարակվել է ընդհանուր 139.519 մարդ: Մայիսի 11-ից երկրում արտակարգ սանիտարական դրության ռեժիմի շրջանակներում մտցված սահմանափակումների աստիճանական թուլացում է սկսվել:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...