Ռուսաստանը մոտեցել է հաջորդ փուլին. Պուտինը հայտարարել է ոչ աշխատանքային օրերի ավարտի և կորոնավիրուսի դեմ պայքարի նոր միջոցների մասին
ՌԴ նախագահ Վլադիմիր Պուտինը չորրորդ անգամ հանդես է եկել հեռուստաուղերձով՝ խոսելով երկրում կորոնավիրուսի տարածման և դրա առնչությամբ իրականացվելիք միջոցառումների մասին:
Ինչպես փոխանցում է РИА Новости-ն,երկրի ղեկավարը քաղաքացիների անվտանգության և տնտեսության աջակցման համար նոր միջոցառումներ է առաջարկել:
«Իմ դիրքորոշումն անփոփոխ է: Մեզ համար կարևորը մարդկանց առողջությունն է և անվտանգությունը: Մայիսի 11-ին լրանում է ոչ աշխատանքային օրերի ժամկետը, որը տևել է ավելի քան 6 շաբաթ՝ սկսած մարտի 30-ից: Այդ արտառոց միջոցառումն օգնել է դանդաղեցնել համաճարակի զարգացումը: Դրա հաշվին մենք ժամանակ շահեցինք՝ նախևառաջ առողջապահության համակարգի պատրաստականությունը բարձրացնելու համար»,- ասել է Պուտինը:
Վերջինս հավելել է, որ Ռուսաստանը մոտեցել է հաջորդ փուլին՝ սահմանափակումների ռեժիմի մեղմացմանը, սակայն այն միաժամանակյա չի լինելու: Պուտինի խոսքով՝ մայիսի 12-ից ոչ աշխատանքային օրերի ժամանակահատվածը ողջ երկրում և բոլոր ոլորտներում ավարտվում է, սակայն «Քովիդ-19»-ի վտանգը պահպանվում, այդ իսկ պատճառով պայքարը համաճարակի դեմ շարունակվում է:
Բարձր պատրաստականության ռեժիմը կպահպանվի 65-ից բարձր տարիքի և խրոնիկ հիվանդություններ ունեցող անձանց համար. զանգվածային միջոցառումների արգելքը պահպանվում է: Բացի այդ, սահմանափակումները պահպանվում են մի շարք շրջաններում:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...