Պատրաստվում են եւս մեկ ծանր հարված հասցնել. ամեն դեպքում զգուշացնում են

Եվրամիության անդամները պետք է պատրաստվեն նոր կորոնավիրուսի տարածման երկրոդ ալիքի հնարավոր սկսվելուն: Այս մասին լրագրողներին հայտնել է Եվրահանձնաժողովի ներկայացուցիչը, փոխանցում է ՏԱՍՍ-ը:

«Ռիսկերի գնահատման վերջին արդյունքների համաձայն՝ անդամ երկրները պետք է պատրաստվեն երկրորդ ալիքին»,- ասել է նա եւ շեշտել, որ եվրոպական երկրները պետք է անհրաժեշտ բոլոր միջոցառումները ձեռնարկեն՝ նման սցենարին պատրաստ լինելու համար:

ԵՀ ներկայացուցչի խոսքով՝ Հիանդությունների կանխարգելման եւ վերահսկման եվրոպական կենտրոնը պարբերաբար գնահատում է կորոնավիրուսի համավարակի հետ կապված իրավիճակը: «Նոր ալիքներ կարող են հայտնվել, եթե նույնիսկ ընթացիկ ցուցանիշները լավ են վերահսկվում»,- հավելել է նա:

Համավարակի սկզբից կորոնավիրուսով աշխարհում վարակվել է ավելի քան 4 մլն մարդ, մահացել է գրեթե 280 հազարը: Ռուսաստանում, կորոնավիրուսի դեմ պայքարի դաշնային օպերատիվ շտաբի տեղեկություններով, գրանցվել է վարակման 221 344 դեպք, ապաքինվել է 39 801 մարդ, մահացել է 2 009-ը: ՌԴ կառավարությունը գործարկել է ստեպկորոնավիրուս.ռդ ռեսուրսը՝ երկրում իրավիճակի մասին տեղեկացնելու համար: