Ուհանի իշխանությունները մեկնաբանել էն կորոնավիրուսով վարակման նոր դեպքերի մասին տեղեկությունները
Չինական Ուհան քաղաքի իշխանությունները հնարավոր չեն համարում նոր կորոնավիրուսի կրկնակի ալիքը եւ համընդհանուր անվտանգության ապահովման համար պահպանում են համաճարակաբանական վերահսկողության խիստ միջոցառումները: Այս մասին այսօր հայտնել է հիգիենայի եւ առողջապահության հարցերով տեղական կոմիտեն՝ մեկնաբանելով վերջին օրերին հիվանդացածների թվի աճի վերսկսումը, փոխանցում է ՏԱՍՍ-ը:
«Ընթացիկ պահին քաղաքում շարունակվում են վիրուսի դեմ պայքարի խիստ միջոցառումները, եւ մենք վճռականորեն թույլ չենք տա համաճարակի կրկնակի ալիք»,- նշված է գերատեսչության կայքում հրապարակված հայտարարության մեջ:
Գերատեսչության տվյալներով՝ Ուհանում գրանցվել է կորոնավիրուսային ինֆեկցիայով 5 նոր հիվանդացած՝ 29-ից մինչեւ 81 տարեկան բնակիչներ, որոնք նախկինում դասվել էին առանց ախտանիշների վարակակիրների շարքին: «Մենք շարունակում ենք ձեռնարկել մանրամասն մշակված վերահսկողության միջոցառումներ նորմալ իրավիճակի պահպանման համար»,- հայտնում է քաղաքի վարչակազմը:
Պաշտոնական վիճակագրության համաձայն՝ Ուհանում (Հուբեյ նահանգի վարչական կենտրոն), որտեղ 2019 թվականի դեկտեմբերին առաջին անգամ հայտնաբերվել էր կորոնավիրուսը, հիվանդների թիվը կազմում է 6: Հուբեյում կարանտինի մեջ բժիշկների հսկողության ներքո են ընդհանուր 615 վարակակիրներ, որոնց մոտ ախտանիշներ չկան:
Արհեստների միջազգային 5-րդ փառատոնն այս տարի կանցկացվի Մեղրիում
ԱԺ նախագահի որոշմամբ կգումարվի ԱԺ արտահերթ նիստ
Քանի օրով արձակուրդ կգնան 27-37 տարեկանում կրճատ ժամկետով պարտադիր զինծառայություն անցնողները. նախագ...
«Թուրքական ավիաուղիներ»-ի ինքնաթիռի անվադողերը վայրէջքի ժամանակ բռնկվել են
Երևանի Նոր Արեշ փողոցում տուն է այրվել
Կրեմլը պարզաբանում է ակնկալում Երևանից․ Պեսկով
Անկախ Հայաստանի պատմության մեջ առաջին անգամ բլոկ-մոդուլային ենթակայան է կառուցվում
Փրկարար ծառայությունն ամփոփում է անցած շաբաթը
Հանրապետությունում մայիսի 8-11-ը բացահայտվել է 296 հանցագործություն. գրանցվել է 39 ավտովթար
Դեռ կան հարստացման կայաններ, որոնք պետք է ապամոնտաժվեն. Նեթանյահու