Վաճառքի են հանվել Ջոնսոնի՝ տանը մնալու կոչով նամակները

Մեծ Բրիտանիայի վարչապետ Բորիս Ջոնսոնի՝ կորոնավիրուսի պատճառով տանը մնալու կոչով նամակը, որը մարտի վերջին ուղարկվել է յուրաքանչյուր ընտանիքի, վաճառքի է հանվել համացանցում՝ գրում է The Sun- ը:

Հրապարակման համաձայն՝ eBay կայքում կարելի է գնել վարչապետի՝ հարյուրից ավելի նամակները: Գինը տատանվում է 5 ֆունտից մինչև 1000 ֆունտ:
Նամակներում Բորիս Ջոնսոնը բրիտանացիներին խնդրում է տանը մնալ և հեռավորություն պահպանել:

Բրիտանիայում 215 հազար մարդ վարակվել է կորոնավիրուսով, 31 հազար մարդ մահացել է: