Լուկաշենկոն շնորհավորել է Թրամփին ֆաշիզմի նկատմամբ տարած հաղթանակի կապակցությամբ
Բելառուսի նախագահ Ալեքսանդր Լուկաշենկոն ԱՄՆ նախագահ Դոնալդ Թրամփին շնորհավորել է ֆաշիզմի նկատմամբ տարած հաղթանակի 75-ամյակի կապակցությամբ և կոչ է արել միջազգային հանրությանն «այս բարդ ժամանակներում» միավորել ջանքերը խաղաղության և կայունության պահպանման համար, հայտնում է «ՌԻԱ Նովոստի» գործակալությունը։
«Բելառուսը, ինչպես Խորհրդային Միության բոլոր հանրապետությունները, հերոսաբար պայքարել է թշնամու դեմ՝ մարդկության խաղաղ ապագայի համար։ Մեր երկիրը բարձր է գնահատում հակահիտլերյան կոալիցիայի անդամների ցուցաբերած համերաշխությունը, այդ թվում՝ պատերազմի հետևանքով ավերված տնտեսության վերականգնման գործում և «լենդ-լիզ» ծրագրի շրջանակում ԱՄՆ-ի աջակցությունը։ Համոզված եմ, որ այսօրվա ծանր պայմաններում միջազգային հանրությունը պետք է համախմբի ուժերը՝ աշխարհում խաղաղությունն ու կայունությունը պահպանելու նպատակով»,- ասվում է Թրամփին ուղղված շնորհավորանքի մեջ։
Վերջին շրջանում Ուկրաինայի արևելքում հակամարտության կարգավորման գործում Մինսկի ունեցած դերակատարման ֆոնին Բելառուսի և Արևմուտքի հարաբերությունները բարելավվել են։ Մասնավորապես՝ ակտիվացել են ԱՄՆ բարձրաստիճան պաշտոնյաների այցերը Բելառուս. փետրվարի 1-ին եվրասիական շրջագայության շրջանակում Բելառուս էր այցելել ԱՄՆ պետքարտուղար Մայք Պոմպեոն և բանակցություններ վարել Լուկաշենկոյի և Բելառուսի արտգործնախարար Վլադիմիր Մակեյի հետ։ Կողմերը 2008 թվականից ի վեր առաջին անգամ դեսպանների փոխանակման վերաբերյալ պատրաստակամություն էին հայտնել:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...