Միխալկովի հաղորդումը կորոնավիրուսի մասին զզվանք է առաջացրել Պոզների մոտ

Հաղորդավար Վլադիմիր Պոզները կիսվել է իր հույզերով Նիկիտա Միխալկովի հեղինակային հաղորդումը դիտելուց հետո, որը նվիրված էր կորոնավիրուսին: «Ռոսիա 24» հեռուստաալիքով ցուցադրված ծրագրում Միխալկովը Microsoft ընկերության հիմնադիր Բիլ Գեյթսին կասկածել է մարդկության չիպավորման համար կորոնավիրուսն օգտագործելու մտադրության մեջ, հայտնում է «Լենտա»-ն:

«Ես դիտել եմ այդ հաղորդումը: Իհարկե` ոչ եթերում»,- նշել է նա: Լրագրողը պարզաբանել է, որ առաջին անգամ է դիտել Միխալկովի «Բեսոգոն ՏՎ» հեռուստածրագիրը: Պոզները նկատել է, որ դիտելիս զզվանք է զգացել: Ըստ նրա` Միխալկովի հայտարարություններում «ահռելի քանակությամբ սուտ կար»: Ընդ որում, Պոզների խոսքով, դա արվել է շատ պրոֆեսիոնալ ձեւով:

Լրագրողը կարծում է, որ Միխալկովը չի հավատում այն դավադրության տեսություններին, որոնց մասին նշվել էր հաղորդման ընթացքում: «Նա շատ հստակ նպատակ ունի: Նա բոլորովին այլ մարդ է: Սա, ես նույնիսկ կասեի, ռազմավարական աշխատանք է»,- կարծում է Պոզները:

Մայիսի 1-ին Միխալկովը «Ու՞մ գրպանում է պետությունը» վերնագրով հաղորդման ընթացքում պնդում էր, որ Բիլ Գեյթսը պլանավորում է օգտագործել կորոնավիրուսը` աշխարհի բնակչությանը հետագայում չիպավորելու համար: Հաղորդումը ցուցադրվել է «Ռոսիա 24» հեռուստաալիքի եթերում: Հաղորդման կրկնությունն ավելի ուշ հանվել էր եթերից: Միխալկովը դա գրաքննություն էր անվանել եւ արձանագրել էր, որ «ճշմարտությունը ոչ ոքի պետք չէ»: