50 տարվա ընթացքում միլիարդ մարդ կապրի անտանելի տապի պայմաններում
50 տարվա ընթացքում միլիարդ մարդ կապրի անտանելի տապի պայմաններում, ասվում է նոր հետազոտության մեջ: Այս մասին գրում է Guardian-ը:
Հետազոտության հեղինակները նշում են, որ իրենք «ցնցված են» արդյունքներով:
Մարդկանց ճնշող մեծամասնությունը մշտապես բնակվել է շրջաններում, որտեղ միջին տարեկան ջերմաստիճանը կազմել է 6-28°C, ինչն իդեալական է մարդու առողջության համար: Մարդկությունը հատկապես զգայուն է, քանի որ մենք ապրում ենք ցամաքում, որն ավելի շուտ է տաքանում, քան օվկիանոսները, եւ բնակչության հետագա աճ տեղի կունենա ամենաշոգ վայրերում՝ Աֆրիկայում եւ Ասիայում: Այդ ժողովրդագրական գործոնների հետեւանքով մարդը կզգա 7,5 °С ջերմաստիճանի բարձրացում:
Ըստ կանխատեսումների՝ գլոբալ տաքացումը կանդրադառնա Հնդկաստանում 1,2 մլրդ մարդու, Նիգերիայում 485 մլն մարդու , Պակիստանում, Ինդոնեզիայում եւ Սուդանում ավելի քան 100 մլն մարդու վրա:
Դա զգալիորեն կմեծացնի միգրացիոն ճնշումն ու խնդիրներ կստեղծի սննդամթերքի արտադրության համակարգերի համար:
«Կարծում եմ՝ արդարացի կլինի ասել, որ 29 աստիճանից բարձր ջերմաստիճանը անկենսունակ է: Դուք պետք է շարվեք կամ ադապտացվեք: Եթե բավարար գումար ունեք, կարող եք օդորակիչ օգտագործել: Սակայն դա չի կարող իրեն թույլ տալ մարդկանց մեծամասնությունը»,-ասել է հետազոտության հեղինակներից մեկը՝ Վագենինգենի համալսարանից Մարտեն Շեֆերը:
Հետազոտության հեղինակները կարծում են, որ եզրահանգումները պետք է քաղաքական գործիչներին ստիպեն արագացնել արտանետումների կրճատումն ու միասին աշխատել:
«Ակնհայտ է, որ անհրաժեշտ է գլոբալ մոտեցում»,-ասել է Նանկինի համալսարանից մեկ այլ հեղինակ Սյույ Չին:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...