Ավստրիայում սահմանափակումների մեղմացումը կորոնավիրուսի դեպքերի տարածման նոր ալիքի չի հանգեցրել
Ավստրիայում սահմանափակումների թուլացումը, այդ թվում` խանութների բացումը, կորոնավիրուսի դեպքերի նոր աճի չի հանգեցրել, չնայած լրացուցիչ զգոնություն է անհրաժեշտ, հայտարարել է երկրի առողջապահության նախարար Ռուդոլֆ Անշոբերը, փոխանցում է Reuters-ը:
Ապրիլի 14-ին Ավստրիան Եվրոպայի առաջին երկրներից մեկը դարձավ, որը մեղմացրեց կարանտինային սահմանափակումները: «Այժմ մենք կարող ենք ուսումնասիրել եւ գնահատել ապրիլի 14-ի եւ դրան հաջորդած օրերի հետեւանքները, եւ դրանք ցույց են տալիս, որ մենք գերազանց կերպով հաղթահարել ենք առաջին փուլը»,- ասել է Անշոբերը մամուլի ասուլիսի ժամանակ:
«Մեզ մոտ առանձին ոլորտներում նկատելի աճի նշաններ չկան: Իրավիճակը կայուն է, եւ սա իրոք շատ դրական, լավ իրավիճակ է»,- ասել է նա: Ըստ նրա` վարակման դեպքերի ամենօրյա աճը 0.2 տոկոս է կազմում:
Անշոբերը եւ ՆԳ նախարար Կարլ Նեհամերը կոչ են արել հասարակությանը խստորեն պահպանել սոցիալական հեռավորության կանոնները եւ բժշկական դիմակներ կրել խանութնեում եւ հասարակական տնասպորտում, ինչպես նաեւ կառավարական շենքերից մի քանիսում:
«Անձնական պատասխանատվությունն ու կարգապահությունն ամենակարեւոր բանն են, քանի որ հնարավոր երկրորդ ալիքը (վարակների) չպետք է ցունամի դառնա»,- ասել է Նեհամերը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...